قازاقستان ەلشىسى ۆلاديمير زەلەنسكيگە سەنىم گراموتالارىن تاپسىردى
21:25, 14 - ماۋسىم 2025
استانا. KAZINFORM - قازاقستان رەسپۋبليكاسىنىڭ ۋكرايناداعى ەلشىسى تولەجان بارلىبايەۆ ۋكراينا پرەزيدەنتى ۆلاديمير زەلەنسكيگە سەنىم گراموتالارىن تاپسىردى. بۇل تۋرالى ق ر سىرتقى ىستەر مينيسترلىگىنىڭ باسپا ءسوز قىزمەتى حابارلادى.
اتالعان ءراسىم يۋنەسكو دۇنيەجۇزىلىك مۇراسى ەسكەرتكىشتەرىنىڭ تىزىمىنە كىرەتىن «كيەۆتىك سوفيا» (1037 ج. ) ۇلتتىق قورىقتىڭ اۋماعىندا ءوتتى.
قىسقاشا سۇحبات بارىسىندا ءداستۇرلى دوستىق قازاق-ۋكراينالىق قارىم- قاتىناستاردىڭ جاعدايى مەن بولاشاعى، سونداي- اق ءارتۇرلى سالاداعى ىسكەرلىك ىنتىماقتاستىق ماسەلەلەرى تالقىلاندى.
ەسكە سالا كەتەيىك، بۇعان دەيىن تاياۋ شىعىستاعى جاعدايدىڭ ۇشىعۋىنا بايلانىستى ەلشىلىك يزرايلدەگى قازاقستان ازاماتتارىنا ۇندەۋ جاساعانىن جازعان ەدىك.