قازاقستان ەلشىلىگى وتانداستارىمىزعا ۋكراينا اۋماعىنان كەتۋدى ۇسىندى
كيەۆ. KAZINFORM - قازاقستاننىڭ ۋكرايناداعى ەلشىلىگى سول ەلدەگى قازاقستاندىقتارعا ۇندەۋ جاسادى.
«شيەلەنىستىڭ كۇشەيۋىنە بايلانىستى جانە قاۋىپسىزدىك ماقساتىندا قازاقستان رەسپۋبليكاسىنىڭ ۋكرايناداعى ەلشىلىگى قازاقستان ازاماتتارىنا ۋكراينا اۋماعىنان كەتۋ مۇمكىندىگىن قاراستىرۋدى ۇسىنادى. ۋكراينادان قازاقستانعا بارۋ ءۇشىن قازاقستان رەسپۋبليكاسىنىڭ ازاماتتارى جەرۇستى باعىتتارىن پايدالانا الادى: پولشا نەمەسە مولدوۆا ارقىلى، ودان ءارى - كوممەرتسيالىق اۋە قاتىناسىمەن. پولشا ارقىلى كەتكەن جاعدايدا قازاقستان ازاماتتارىندا شەنگەن ۆيزاسى بولۋى قاجەت. مولدوۆاعا كىرۋ ءۇشىن ۆيزا قاجەت ەمەس» دەپ ەسكەرتەدى ۆەدومستۆودان.
سونىمەن بىرگە، ەلشىلىك بارلىق ازاماتتاردى اۋە شابۋىلى تۋرالى ەسكەرتۋگە ءجىتى قۇلاق اسىپ، دەرەۋ پانالاۋعا، وزدەرىنىڭ قاۋىپسىزدىك شارالارىن ساقتاۋعا جانە رەسمي ورگانداردىڭ ۇسىنىستارىن ورىنداۋعا شاقىرادى.
ەلشىلىكتىڭ كونسۋلدىق ءبولىمىنىڭ بايلانىس تەلەفوندارى: 380444831596، 380444891031.
قازاقستان ازاماتتارىنا ارنالعان جەدەل جەلى (توتەنشە جاعدايدا): 380673470408.