قازاقستان ەكونوميكاسىنداعى كرەديتتىڭ %54 ى حالىقتىڭ موينىندا

استانا. KAZINFORM - ۇلتتىق بانكتىڭ مالىمەتى بوينىشا، قازاقستان ەكونوميكاسىنداعى كەڭەيتىلگەن ماندەگى كرەديتتىڭ جالپى سوماسى 2024 -جىلدىڭ 1-مامىرىنان بەرى %22 ۇلعايىپ، 2025 -جىلعى 1-مامىرداعى جاعداي بويىنشا 43,7 تريلليون تەڭگەگە جەتكەن.

بۇل سومانىڭ F ى نەمەسە 20,1 تريلليون تەڭگەسى قارجىلىق ەمەس زاڭدى تۇلعالار مەن جەكە كاسىپكەرلەردىڭ بيزنەس كرەديتتەرىنە بەرىلگەن. قالعان 23,6 تريلليون تەڭگە نەمەسە T ى - حالىقتىڭ موينىنداعى كرەديتتەر.

- ۇلتتىق ۆاليۋتاداعى كرەديتتەر كولەمى 39,6 تريلليون تەڭگەنى (�,5)، شەتەل ۆاليۋتاسىندا - 4,1 تريلليون تەڭگەنى (%9,5) قۇرادى. بانك سەكتورىنىڭ كرەديتتەرى كرەديتتەردىڭ جالپى كولەمىنىڭ �,6 ىنا تەڭ، - دەپ جازىلعان ۇلتتىق بانك مالىمەتىندە.

بۇل جەردەگى كەڭەيتىلگەن ماندەگى ەكونوميكاعا بەرىلگەن كرەديت ۇعىمى كرەديتتەر بويىنشا ناقتى بەرەشەكتىڭ قالدىعى تۋرالى مالىمەتتى بىلدىرەدى. وعان:

• بانك سەكتورى (ەكىنشى دەڭگەيدەگى بانكتەر، «وتباسى بانكى» ا ق جانە «قازاقستاننىڭ دامۋ بانكى» ا ق قوسا العاندا)؛
• يپوتەكالىق ۇيىمدار («قازاقستاندىق تۇرعىن ءۇي كومپانياسى» ا ق، «ەكسپرەسس فينانس» يپوتەكالىق ۇيىمى» ا ق)؛
• كۆازيمەملەكەتتىك سەكتوردىڭ باسقا سۋبەكتىلەرى (ناقتى سەكتورعا كرەديت بەرۋدى جۇزەگە اسىراتىن «بايتەرەك» ۇب ح» ا ق- عا ەنشىلەس «اگرارلىق كرەديتتىك كورپوراتسيا» ا ق، «قازاگروقارجى» ا ق، «ونەركاسىپتى دامىتۋ قورى» ا ق، «قازىنا كاپيتال مەنەدجمەنت» ا ق)؛
• ميكروقارجى قىزمەتىن جۇزەگە اسىراتىن ۇيىمدار بەرگەن نەسيە بورىشتارى جاتقىزىلعان.

بۇعان دەيىن قازاقستان حالقى ميكروقارجى ۇيىمدارىنا 2,9 تريلليون تەڭگە نەسيە قارىز ەكەنىن جازعان ەدىك.