قازاقستان ەكونوميكاسى 4 پايىزعا ءوستى - تيمۋر سۇلەيمەنوۆ

الماتى. KAZINFORM - 2024 -جىلدىڭ توعىز ايىندا قازاقستان ەكونوميكاسى 4 پايىزعا ءوستى. بۇل تۋرالى قازاقستان قارجىگەرلەرىنىڭ XII كونگرەسىندە ۇلتتىق بانك ءتوراعاسى تيمۋر سۇلەيمەنوۆ ايتتى.

ايتۋىنشا، بىلتىر ەل ەكونوميكاسى 5,1 پايىزعا ءوسىپ، رەكوردتتىق كورسەتكىشكە جەتكەن.

«بيىل قازاقستان ەكونوميكاسى ءتورت پايىزعا ءوستى. بۇل جاقسى كورسەتكىش. سونىمەن قاتار ينفلياتسيا تومەندەگەنىن كورىپ وتىرمىز. بۇل وتكەن جىلمەن سالىستىرعاندا 2,5 پايىزعا تومەن. دەسەكتە، ءبىز تارگەتتەن 70 پايىز الىسپىز. سوندىقتان مونەتارلىق ساياسات قاتاڭ تالاپتى قاجەت ەتەدى»، - دەدى ول.

سونداي-اق ۇلتتىق بانك باسشىسى قازاقستاندا جۇمىسسىزدىق دەڭگەيى تومەندەگەنىن اتاپ ءوتتى.

«ەلدەگى جۇمىسسىزدىق دەڭگەيى تومەندەدى. ياعني، 4,6 پايىز. جالاقى دا ءوسىپ جاتىر. ورتاشا ەڭبەكاقى 11,3 پايىزعا كوتەرىلدى»، - دەدى تيمۋر سۇلەيمەنوۆ.

ايتا كەتەيىك، الماتىدا قازاقستان قارجىگەرلەرىنىڭ XII كونگرەسى گيبريدتى فورماتتا وفلاين جانە ونلاين ءوتىپ جاتىر.

اۆتور
الما مۇقانوۆا