قازاقستان كومىرى قاي ەلدەرگە ەكسپورتتالىپ جاتىر

استانا. KAZINFORM - ونەركاسىپ جانە قۇرىلىس مينيسترلىگى ەلىمىزدە وندىرىلگەن كومىر قاي ەلدەرگە ەكسپورتتالىپ جاتقانىن ناقتىلادى.

«جىل سايىن وندىرىلگەن كومىردىڭ 25-30 پايىزى ەكسپورتتالادى. ەكسپورت نارىعىنىڭ نەگىزگى تۇتىنۋشىلارى - رەسەي، وزبەكىستان، قىرعىزستان، تۇركيا، ەۆروپا مەملەكەتتەرى»، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

بۇدان بۇرىن حابارلانعانداي، بيىلدىڭ سوڭىنا دەيىن 112,7 ميلليون توننا كومىر ءوندىرۋ جوسپارلانعان. كومىر ءوندىرۋشى كاسىپورىنداردىڭ جەدەل دەرەكتەرى بويىنشا وسى جىلدىڭ 9 ايىندا 77,7 ميلليون توننا كومىر ءوندىرىلدى.

بىلتىر قازاقستان 31,2 ميلليون توننا كومىر ەكسپورتتادى.

ۇكىمەت باسشىسى ولجاس بەكتەنوۆ تۇرعىندار كومىردى تۇراقتى باعامەن ساتىپ الۋى ءۇشىن ەشقانداي قيىندىق بولماۋى كەرەك ەكەنىن تاپسىردى.