قازاقستان «KazSat-3» سپۋتنيگىن الماستىراتىن جەرسەرىكتى عارىشقا ۇشىرادى

تاشكەنت. قازاقپارات - «KazSat-3» سپۋتنيگىنىڭ ورنىن باساتىن جاڭا جەرسەرىكتى ۇشىرۋ 2029 -جىلعا جوسپارلانعان. مۇنى وزبەكستان استاناسىندا وتكەن «Space Technology Conference - 2026» ءىس- شاراسىندا قاتىسقان ق ر ايروعارىش كوميتەتى ءتوراعاسىنىڭ ورىنباسارى قۋاندىق شۇلەنبايەۆ ايتتى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى.

- «KazSat-3» سپۋتنيگىن اۋىستىرۋ بويىنشا جۇمىس باستالىپ كەتتى. اتاپ ايتقاندا، جەتكىزۋشىنى تاڭداۋ، تەندەر راسىمدەرى ۇيىمداستىرىلىپ جاتىر. ءبىز ونى 2029 -جىلى الماستىرامىز. ال «KazEOSat-1» جانە «KazEOSat-2» جەرسەرىكتەرى جايلى ايتاتىن بولساق، ولاردى پايدالانۋ مەرزىمى 2021 -جىلى اياقتالدى. دەگەنمەن قۇرىلعىلاردىڭ قىزمەت ۋاقىتىن ۇزارتىپ كەلەمىز. ياعني، اپپاراتتار جۇمىس ىستەپ تۇر، سايكەسىنشە ءبىز دەرەكتەردى الىپ، اقپاراتتاردى قازاقستاننىڭ مەملەكەتتىك ورگاندارىنا ۇسىنىپ وتىرمىز. كەلەشەكتە ولاردى MR سپۋتنيكتەر توبى الماستىرادى، - دەپ جاۋاپ بەردى قۋاندىق شۇلەنبايەۆ Kazinform ءتىلشىسىنىڭ ساۋالىنا.

ەسكە سالايىق، اتالعان كونفەرەنسيا بارىسىندا 2027 -جىلى عارىشقا شىعارىلاتىن تۇركى ەلدەرىنىڭ بىرلەسكەن سپۋتنيگى تانىستىرىلدى.