قازاقستان جىلناماسىنىڭ جارشىسى- «قازاقپارات» اگەنتتىگىنە 104 جىل تولدى

استانا. قازاقپارات - قازاقستان جىلناماسىنىڭ جارشىسى Kazinform اگەنتتىگىنە 104 جىل. عاسىرلىق تاريحى بار ەلىمىزدەگى ەڭ كونە مەديارەسۋرستاردىڭ ءبىرى بۇگىندە حالىقارالىق دەڭگەيدە اقپارات تاراتادى.

Kazinform الاڭى قالاي دامىپ كەلەدى جانە وقىرماندى قانداي جاڭاشىلدىقتار كۇتىپ تۇر؟

60 جىلدى ارتقا اينالدىرساق قازاقپاراتتىڭ جۇمىسى ءدال وسىلاي بولار ەدى. بۇل اگەنتتىك ارحيۆىنەن الىنىپ، نەيروجەلىنىڭ كومەگىمەن جاندانعان فوتولار. 1920-جىلى الاشوردالىقتاردان باستاۋ العان اگەنتتىك ءتۇرلى تاريحي كەزەڭدەردەن ءوتىپ، بۇگىندە بەدەلدى اقپارات كوزىنىڭ بىرىنە اينالدى. قازاقپارات قازاقستانداعى حالىقارالىق دەڭگەيدەگى جالعىز اگەنتتىك. ەلوردادا ورنالاسقان باس كەڭسەدە 100-دەن استام ادام جۇمىس ىستەيدى. سايتتا ساياسات، الەۋمەت، مادەنيەت، بيزنەس، ينۆەستيتسيا، عىلىم ءتۇرلى سالاعا قاتىستى مىڭداعان ماتەريال بار.

ناعاشىبەك الدان، «Kazinform» حالىقارالىق اقپاراتتىق اگەنتتىگىنىڭ باسقارۋشى ديرەكتورىنىڭ ورىنباسارى:

- 11 مەملەكەتتە ءتىلشىمىز بار. قازاقستاننىڭ ءاربىر ايماعىندا ءتىلشىمىز بار. كۇندەكلىكتى 400-گە جۋىق اقپارات شىعادى. بۇكىل KAZINFORM بويىنشا بۇكىل تىلدىك نۇسقالاردا. بەس تىلدە شىعادى جانە جەتى تىلدىك نۇسقادا. ول دەگەن ءسوز، لاتىن اليپبيىندە، قوسىمشا توتە جازۋ. ءبىزدىڭ كوپتەگەن قانداستارىمىز قىتايداعى، يران، اۋعانستان توڭىرەگىندە قالعان قانداستارىمىز كيريلل نەمەسە لاتىن ءالىپبيىن بىلمەيدى. ولار تەك توتە جازۋدا وقيدى.

KAZINFORM مەديا ورتادا وزىندىك ورنى بار دەرەك كوزى. وقىرمانعا ىڭعايلى بولۋ ءۇشىن سوڭعى جىلدارى سايتتىڭ ينتەرفەيسى جاڭارتىلىپ، شريفتتەر وزگەرتىلدى. اگەنتتىك ەلدە جانە جاھاندا بولىپ جاتقان سوڭعى جاڭالىقتاردى جىلدام جەتكىزۋگە، شىنايى اقپارات تاراتۋعا دەن قويادى. قازاقستاننىڭ باستى ساياسي وقيعالارى حالىقارالىق اقپارات اگەنتتىگىنىڭ نازارىندا.

الەم بويىنشا 26 ب ا ق وكىلدەرىمەن سەرىكتەستىك ورناتتىق. ولاردىڭ ىشىندە كورەيا، رەسەي، ەۆروپا ەلدەرى، امەريكاداعى، تاياۋ شىعىستاعى، قىتايداعى اقپارات ورتالىقتارىمەن سەرىكتەستىك ورناتىپ جاتىرمىز. تىلشىلەرىمىزدىڭ دەڭگەيىن ءوسىرىپ جاتىرمىز. بۇل ساپالى كونتەنت شىعارۋعا اسەر ەتەدى. وسى ۋاقىتقا دەيىن KAZINFORM تەك اقپاراتتىق، ماتىندىك، اقپارات كوزى بولسا، ەندى ۆيدەوحوستينگكە اينالادى. الداعى ۋاقىتتا ءبىز ۆيدەو فورماتتا كوپتەپ اقپارات شىعاراتىن بولامىز.

KAZINFORM ارقىلى شەتەلدىك مەديا ورتالىق ازيا مەن قازاقستان تۋرالى اعىلشىن تىلىندە اقپارات الادى. وسى ورايدا تىلشىلەر قوسىنى ساپالى كونتەنت دايىنداۋعا ۇلكەن ءمان بەرەدى. الداعى اۋقىمدى ماقسات - KAZINFORM اقپاراتتىق اگەنتتىگىن الەمدىك بۇقارالىق اقپارات قۇرالدارىنىڭ بىرىنە اينالدىرۋ.

وسىنداي اتاۋلى كۇنگى ارنالعان قۇتتىقتاۋ اقپاراتتى «Jibek Joly» تەلەارناسى دا ۇسىنعان.