استانا. KAZINFORM - مەملەكەت باسشىسى قاسىم-جومارت توقايەۆ ب ا ق سالاسى قىزمەتكەرلەرىن ماراپاتتاۋ راسىمىندە سويلەگەن سوزىندە جەمقورلىقتىڭ قازاقستاننىڭ يمميدجىنە كەلتىرىپ جاتقانىن زيانى تۋرالى ايتتى.
«ءبىز، ەڭ الدىمەن، جەمقورلىقتى تۇبىرىمەن جويۋىمىز كەرەك. مەن وسى ماسەلەگە ايرىقشا ءمان بەرەمىن. ءبىز قوعامدا بۇل كەسەلدىڭ بار ەكەنىن جاسىرمايمىز. اشىق ايتامىز دەپ، ونىڭ زاردابىن دا تارتىپ جاتامىز. ءتىپتى، كەيدە شەتەلدىكتەر دە، ءوز ازاماتتارىمىز دا قازاقستاندى جەمقورلىققا بەلشەسىنەن باتقان ەل دەپ ويلايدى. بۇل شىندىققا ەش جاناسپايدى»، - دەدى پرەزيدەنت.
مەملەكەت باسشىسى ەل مۇددەسى ءۇشىن ەڭبەك ەتىپ جۇرگەن ادال ازاماتتار از ەمەس دەپ ەسەپتەيدى.
«قايتالاپ ايتامىن: جەمقورلىق - كەسەل. ءبىز تۇتاس قوعام بولىپ وعان قارسى تۇرۋىمىز كەرەك. سوندا عانا ناتيجە بولادى»، - دەدى قاسىم-جومارت توقايەۆ.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.