قازاقستاننىڭ 16 جاسقا دەيىنگىلەر اراسىندا قىزدار قۇراماسى يسپانيانىڭ كوردوۆا قالاسىندا وتكەن Billie Jean King Juniors Finals تۋرنيرىنىڭ قورىتىندىسى بويىنشا ۇزدىك وندىققا كىردى، - دەپ حابارلايدى قازاقستان تەننيس فەدەراتسياسى.
بۇل 16 جاسقا دەيىنگىلەر اراسىنداعى قىزدار ءۇشىن العاشقى كوماندالىق الەم چەمپيوناتى ەدى.
قازاقستاندىقتار الدىمەن ۆ توبىندا ءۇشىنشى ورىنعا يە بولدى. باستاپقى ماتچتا ارگەنتينا قۇراماسىن 2:1 ەسەبىمەن ۇتقانىمەن، برازيليا مەن ۇلى بريتانياعا جول بەردى.
قوسىمشا جارىستا قازاقستان قۇراماسى الجيردى ايقىن باسىمدىلىقپەن تىزە بۇكتىردى - 3:0. سودان كەيىن كولۋمبيا مەن لاتۆيانى 2:1 ەسەبىمەن جەڭدى.
وسىلايشا، مارات ءشارىپوۆتىڭ شاكىرتتەرى الەمنىڭ ۇزدىك 16 كومانداسىنىڭ اراسىنان 9-ورىنعا تابان تىرەدى.
دۇنيەجۇزىلىك دودادا ەل نامىسىن پولينا سلەپتسوۆا، اناستاسيا كرىمكوۆا جانە ىڭكار دۇيسەباي قورعادى. كوماندا كاپيتانى - مارات ءشارىپوۆ.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.