قازاقستان حالقىنىڭ سانى 20286084 ادامعا جەتتى

استانا. قازاقپارات - 2025 -جىلعى 1-قاڭتارداعى جاعداي بويىنشا حالىق سانى 20286084 ادام بولدى. بۇل تۋرالى ۇلتتىق ستاتيستيكا بيۋروسى حابارلادى.

ونىڭ ىشىندە:
قالا تۇرعىندارى - 12774743
اۋىل تۇرعىندارى - 7511341

بىلتىرعى جىل باسىنان بەرى حالىق سانى 252242 ادامعا ءوستى، ونىڭ ىشىندە تابيعي ءوسىم ەسەبىنەن - 235078 ادامعا، كوشى-قون ەسەبىنەن 17164 ادامعا.

حالىق سانىنىڭ ەڭ جوعارى ءوسۋ قارقىنى استانا مەن الماتى قالالارىندا، تيىسىنشە 6,91 بەن 2,86 پايىز، سونداي-اق شىمكەنت قالاسىندا تىركەلدى - 2,80 پايىز.

رەسپۋبليكالىق ماڭىزى بار قالالاردان باسقا، ءبىر ميلليوننان استام حالقى بار وبلىستار - تۇركىستان (2,1 ميلليون)، الماتى (1,5 ميلليون)، جامبىل (1,2 ميلليون) جانە قاراعاندى (1,1 ميلليون).

ەسكە سالساق، 2050 -جىلى استانادا حالىق سانى 3,5 ميلليون ادامعا جەتەتىنى تۋرالى جازعان بولاتىنبىز.