قازاقستان حالقى 20,3 ميلليون ادامعا جەتتى - ستاتيستيكا بيۋروسى

استانا. قازاقپارات - 2025 -جىلعى 1- مامىرداعى جاعداي بويىنشا قازاقستان حالقىنىڭ سانى 20353265 ادامعا جەتتى. بۇل تۋرالى ۇلتتىق ستاتيستيكا بيۋروسى ءمالىم ەتتى.

جىل باسىنان بەرى ەل حالقى 69,8 مىڭ ادامعا ارتتى. ونىڭ ىشىندە تابيعي ءوسىم 63,4 مىڭ ادامدى، ال كوشى-قون ەسەبىنەن ءوسىم 6,3 مىڭ ادامدى قۇرادى.

حالىق سانىنىڭ ەڭ جوعارى ءوسىمى ەلوردادا تىركەلدى. استانا تۇرعىندارىنىڭ قاتارى وسى كەزەڭدە 29,7 مىڭ ادامعا كوبەيدى. بۇل ءوسىمنىڭ 78,3 پايىزى كوشى-قون ەسەبىنەن قامتاماسىز ەتىلگەن.

ستاتيستيكالىق مالىمەتتەرگە سايكەس، كوشى-قوننىڭ وڭ سالدوسى 5 وڭىردە - الماتى جانە ماڭعىستاۋ وبلىستارىندا، سونداي-اق رەسپۋبليكالىق ماڭىزى بار ءۇش قالادا - استانا، الماتى جانە شىمكەنتتە بايقالدى.

سونىمەن قاتار بيۋرونىڭ 12- مامىرداعى جاريالانعان مالىمەتىنشە، قانتار- ناۋرىزدا ەلگە كەلگەندەر سانى 4923 ادامدى، ەلدەن كەتكەندەر سانى 1122 ادامدى قۇرادى. كوشى-قون ايىرىمى 3801 ادامدى قۇرادى.

قۇجاتتا كورسەتىلگەندەي ەلدىڭ نەگىزگى كوشى-قون الماسۋى ت م د مەملەكەتتەرىمەن جۇرەتىنى كورسەتىلگەن. وسى ەلدەردەن كەلگەندەردىڭ ۇلەسى 84,1 پايىز، ال بۇل ەلدەرگە كەتكەندەردىڭ ۇلەسى 68 پايىزدى قۇرادى.

ايتا كەتەيىك، بۇعان دەيىن قازاقستانداعى ەڭبەك كوشى-قونىنا قاتىستى ستاتيستيكالىق دەرەكتەرگە شولۋ جاساعانبىز.

اۆتور

تاستان تويانوۆ