قازاقستان فۋتبول قۇراماسى تۇرىكمەنستانمەن جولداستىق كەزدەسۋ وتكىزەدى

استانا. KAZINFORM - فۋتبولدان قازاقستان قۇراماسى الداعى گرەكيامەن بولاتىن ويىنعا دايىندىعىن بىرىككەن اراب امىرلىگىندە وتكىزەدى.

قازاقستاندىق فۋتبولشىلار 2024 -جىلعى ەۋروپا چەمپيوناتى فينالدىق ساتىسىنا جولداما الۋ ءۇشىن پلەي- وفف ساتىسىندا گرەكيامەن كەزدەسەدى.

اتالعان ويىنعا ازىرلىكتى قازاقستان ۇلتتىق قۇراماسى 8 -ناۋرىزدا باستايدى.

وقۋ-جاتتىعۋ جيىنى بىرىككەن اراب امىرلىگىنىڭ دۋباي قالاسىندا بولادى.

ال 14-ناۋرىزدا تۇرىكمەنستان قۇراماسىنا قارسى جولداستىق ويىن جوسپارلانعان.

ايتا كەتسەك، 21-ناۋرىزدا افينا قالاسىندا ۇلتتىق قۇراما پلەي-وفف ماتچىن گرەكياعا قارسى وتكىزەدى.

ەسكە سالا كەتەيىك، بۇدان بۇرىن ازيا كۋبوگىندا وزبەكستان قۇراماسى شيرەك فينالعا شىقتى.

اۆتور

ءادىلجان ۇمبەت