ۇكىمەت باسشىسىنىڭ ورىنباسارى سەرىك جۇمانعارين پرەزيدەنت قاسىم-جومارت توقايەۆ پەن ماجارستان پرەمەر-ءمينيسترى ۆيكتور ورباننىڭ اقورداداعى كەزدەسۋى الدىندا فرانسيالىق دەلەگاتسيامەن وتكەن كەلىسسوزدىڭ كەيبىر تۇستارىنا توقتالدى، دەپ حابارلايدى Kazinform اگەنتتىگى.
«كەشە فرانسۋزدارمەن جىلقى ەتىن ەكسپورتتاۋ جونىندە اڭگىمەلەستىك. ويتكەنى فرانسيا - جىلقى ەتىن تۇتىناتىن ەل. قازىر بىزدە 32 جەتكىزۋشى جاپونياعا جىلقى ەتىن اپارىپ ءجۇر. ەندى فرانسياعا جەتكىزىلىم كولەمىن ارتتىرۋ كەرەك. كەشە فرانسۋز دەلەگاتسياسىنا جىلقى ەتىنەن ءدام تاتقىزدىق. ولارعا ۇناعانداي بولدى»، - دەدى ۆيتسە-پرەمەر.
ۆيتسە-پرەمەردىڭ ايتۋىنشا، ەلىمىزدە جىلقى ەتىنىڭ ءوندىرىسى قارقىن الىپ كەلەدى.
«ەتتى جىلقى تۇقىمدارى نەگىزىنەن باتىستا - كوشىم جانە مۇعالجار ناسىلدەرى. قازىر تاجىريبەلىك ستانسالار بازاسىندا اقتوبەدە مال شارۋاشىلىعى ينستيتۋتىنىڭ جەكە فيليالىن اشپاقشىمىز. ول فيليال تەك جىلقى شارۋاشىلىعىمەن اينالىسادى»، - دەدى سەرىك جۇمانعارين.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан