قازاقستان شۆەيتسارياداعى بەيبىتشىلىك سامميتىنە قاتىسا ما

 استانا. KAZINFORM – ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ شۆەيتسارياداعى بەيبىتشىلىك سامميتىنە قازاقستاننىڭ قاتىسۋى مۇمكىندىگىنە قاتىستى سۇراققا جاۋاپ بەردى.

«بۇل سامميتكە ەلىمىزدىڭ قاتىسۋى حالىقارالىق ءىس- شارالار كەستەسىنە سايكەس جانە وسى ماسەلە بويىنشا قازاقستاننىڭ رەسمي ۇستانىمىن ەسكەرە وتىرىپ قارالادى. وزدەرىڭىز بىلەتىندەي، قازاقستان ۋكراينا جانە رەسەيمەن تاريحي جاعىنان بىردەي تىعىز ساياسي، ەكونوميكالىق، مادەني- گۋمانيتارلىق قارىم- قاتىناستى قولدايدى. ءبىز ءارقاشان بارلىق ەلدىڭ تاۋەلسىزدىگى مەن اۋماقتىق تۇتاستىعىن ساقتاۋ جانە ب ۇ ۇ جارعىسى قاعيداتتارىن ورىنداۋ تۇرعىسىنان سويلەيمىز. وسى جاعدايدا ءبىز حالىقارالىق قۇقىق پەن ب ۇ ۇ جارعىسى قاعيداتتارى نەگىزىندە بۇل قاقتىعىستى وسى ەلدەر اراسىنداعى ەكىجاقتى قاتىناستار دەڭگەيىندە تەك بەيبىت جولمەن شەشۋدى دايەكتى تۇردە قولدايمىز»، - دەدى ا. سمادياروۆ مينيسترلىكتەگى اپتالىق باسپا ءسوز ءماسليحاتىندا.

ەسكە سالساق، بيىلعى 15-16- ماۋسىم ارالىعىندا شۆەيتساريادا ۋكرايناداعى جاعدايدى رەتتەۋگە قاتىستى سامميت وتەدى. بۇل جيىن ۋكراينا بيلىگىنىڭ ءوتىنىشى بويىنشا ۇيىمداستىرىلماق.