قازاقستان ءوز جاساندى ينتەللەكتىسىن جاساپ شىعارادى
استانا. KAZINFORM - قازاقستان Chat GPT سەكىلدى ءوز جاساندى ينتەللەكتىن جاساپ شىعارماق. اقىلدى جۇيە KazLLM دەپ اتالادى. اتالعان ج ي مودەلى سۋپەركومپيۋتەرلىك ينفراقۇرىلىم تولىق ىسكە قوسىلعاننان كەيىن جۇمىسىن باستايدى.
بۇل تۋرالى ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى مالىمدەدى.
- 2024-جىلعى 12-اقپاندا قازاقستان رەسپۋبليكاسى مەن بىرىككەن اراب امىرلىكتەرى Presight AI Ltd. كومپانياسى اراسىندا سۋپەركومپيۋتەر قۇرۋ جانە ءتيىستى دەرەكتەردى وڭدەۋ ورتالىعىن سالۋ جوباسى بويىنشا كەلىسىمگە قول قويىلدى. اتالعان جوبا ەكى كەزەڭدە جۇزەگە اسىرىلادى. ءبىرىنشى كەزەڭدە ەسەپتەۋ قۋاتتارىن او «ۇلتتىق اقپاراتتىق تەحنولوگيالار» د و ءو- دا ورنالاستىرۋ جوسپارلانعان، ەكىنشى كەزەڭدە جاڭا د و ءو قۇرىلىسىن سالۋ جانە ەسەپتەۋ قۋاتتارىن ورنالاستىرۋ كوزدەلىپ وتىر. وسىلايشا، مينيسترلىك G42 كومپانياسىمەن بىرلەسىپ، Nvidia ەسەپتەۋ قۋاتتارىن ەكسپورتتاۋعا ليتسەنزيا الۋ جۇمىستارىن جۇرگىزۋدە، - دەيدى مينيسترلىك ماماندارى.
اتالعان ليتسەنزيانى الۋ ءۇشىن ەلىمىزدەگى دەرەكتەردى وڭدەۋ ورتالىعى جوعارى دەڭگەيدەگى قاۋىپسىزدىك ستاندارتتارىنا ساي كەلۋى كەرەك. بۇل ءوز كەزەگىندە ورتالىقتاعى دەرەكتەردىڭ قاتاڭ ساقتالۋىن جانە سىرتقا شىقپاۋىن قامتاماسىز ەتەدى.
- د و ءو- ىن جوعارى دەڭگەيدەگى قاۋىپسىزدىك ستاندارتتارىنا سايكەستەندىرۋ جۇمىستارى جۇرگىزىلۋدە. قالىپتاسىپ كەلە جاتقان سۋپەركومپيۋتەرلىك ينفراقۇرىلىم جاساندى ينتەللەكتتىڭ ۇلتتىق پلاتفورماسىمەن ينتەگراتسيالاناتىن بولادى جانە مەملەكەتتىك سيفرلىق ونىمدەردى ازىرلەۋ مەن ەنگىزۋ ءۇشىن نەگىزگى ەلەمەنتكە اينالادى. KazLLM ۇلكەن تىلدىك مودەلىن قولداۋعا جانە ونىڭ نەگىزىندە ي ي- اگەنتتەردى قۇرۋعا ەرەكشە كوڭىل بولىنەدى. سونداي-اق، مينيسترلىك بيزنەس پەن عىلىمي قوعامداستىق ءۇشىن ەسەپتەۋ قۋاتتارىن ۇسىنۋ مۇمكىندىگىن قاراستىرۋدا. سۋپەركومپيۋتەرلىك جانە گيپەرماسشتابتى دەرەكتەردى وڭدەۋ ورتالىقتارى بۇلتتى تەحنولوگيالاردى، جاساندى ينتەللەكتىنى جانە جوعارى ءونىمدى ەسەپتەۋلەردى (HPC) دامىتۋعا بەرىك ينفراقۇرىلىمدىق نەگىز قالىپتاستىرادى. بۇل ورتالىقتار زاماناۋي سيفرلىق شەشىمدەردى ەنگىزۋگە، عىلىمي زەرتتەۋلەر جۇرگىزۋگە جانە مەملەكەتتىك قىزمەتتەردى ءتيىمدى سيفرلاندىرۋعا مۇمكىندىك بەرەدى، - دەيدى ولار.
ايتا كەتەيىك، اتقارىلىپ جاتقان جۇمىستار ناتيجەلى بولسا، قازاق تىلىندە ەشقانداي قاتەسىز، ەركىن سويلەپ، جاقسى جۇمىس ىستەي الاتىن جاساندى ينتەللەكت پايدا بولادى.
ەستەرىڭىزدە بولسا، بۇعان دەيىن سۋپەركومپيۋتەردى قۇرۋ ءۇشىن قاجەتتى جابدىقتاردى ا ق ش- تان جەتكىزۋ پروتسەسى قالاي ءجۇرىپ جاتقانىن جازعان ەدىك.
ال بىرنەشە كۇن بۇرىن سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ بۇل قۇرىلعىلاردىڭ بيىل ەلىمىزگە جەتكىزىلەتىنىن حابارلادى.