قازاقستان بوكسشىلارى جاستار اراسىنداعى حالىقارالىق تۋرنيردە ەكىنشى ورىن الدى

باكۋدە (ازەربايجان) ازەربايجاندىق بوكسشى ابباس اگالاروۆتى ەسكە الۋعا ارنالعان جاسوسپىرىمدەر اراسىنداعى حالىقارالىق تۋرنير اياقتالدى. Kazinform بۇل تۋرالى Sports.kz سايتىنا سىلتەمە جاساپ حابارلايدى.

تۋرنيرگە ازەربايجان، رەسەي، وزبەكستان، قازاقستان، تاجىكستان، ساۋد ارابياسى جانە ەۋروپالىق بوكس كونفەدەراتسياسىنان (EUBC) 97 بوكسشى قاتىستى.

تۋرنير قورىتىندىسى بويىنشا قازاقستان قۇراماسى 16 مەدال (4 التىن، 5 كۇمىس، 7 قولا) جەڭىپ الىپ، جالپى كوماندالىق ەسەپتە ەكىنشى ورىن الدى. ازەربايجان قۇراماسى 22 مەدالمەن (5-4-13) ءبىرىنشى ورىنعا يە بولدى.

تۋرنير قورىتىندىسى بويىنشا ۇزدىك بەستىك:

1. ازەربايجان - 22 (5-4-13)
2. قازاقستان - 16 (4-5-7)
3. تاجىكستان - 4 (2-1-1)
4. وزبەكستان - 5 (1-2-2)
5. رەسەي - 3 (1-1-1)