قازاقستان بوكس فەدەراتسياسى World Boxing ۇيىمىنا قوسىلۋعا ءوتىنىش بەردى
استانا. KAZINFORM - قازاقستان بوكس فەدەراتسياسى ۇزاق تالقىلاۋلار مەن ساراپتامانىڭ ناتيجەسىندە ماڭىزدى شەشىم قابىلدادى. قازاقستان World Boxing ۇيىمىنىڭ قاتارىنا قوسىلۋ ءۇشىن رەسمي ءوتىنىش بەردى.
ق ر بوكس فەدەراتسياسىنىڭ باسپا ءسوز قىزمەتى اتاپ وتكەندەي، بۇل شەشىم ءبىرىنشى كەزەكتە وتاندىق بوكسشىلاردىڭ وليمپيادالىق بولاشاعىمەن تىكەلەي بايلانىستى.
«قازىر بوكستىڭ وليمپيادا باعدارلاماسىندا قالۋ ماسەلەسى ح و ك دەڭگەيىندە تالقىلانىپ جاتىر. بوكستى وليمپيادا ويىندارىنىڭ باعدارلاماسىندا ساقتاپ قالۋ ماقساتىندا بارلىق ەلدەرمەن ورتاق جۇمىس جاساۋعا دايىنبىز. بۇل شەشىم بوكستى ودان ءارى دامىتۋعا مۇمكىندىك بەرەدى دەپ سانايمىز. World Boxing وليمپيادالىق كوميسسياسىنىڭ ءتوراعاسى، ۇلتتىق وليمپيادا كوميتەتىنىڭ پرەزيدەنتى گەننادي گولوۆكينمەن كەزدەسۋ بارىسىندا وتاندىق بوكستىڭ دامۋ جولدارىن تالقىلادىق»، - دەدى فەدەراتسيا باسشىسى شاحمۇرات ءمۇتالىپ.
World Boxing - حالىقارالىق بوكس فەدەراتسياسى. بۇل ۇيىم 2023-جىلدىڭ ءساۋىر ايىندا قۇرىلعان. قازىرگى ۋاقىتتا ونىڭ قۇرامىنا 44 ەلدىڭ ۇلتتىق فەدەراتسياسى ەنگەن.
ەستەرىڭىزگە سالا كەتەيىك، وسىعان دەيىن گەننادي گولوۆكين حالىقارالىق بوكس فەدەراتسياسىنىڭ وليمپيادالىق كوميسسياسىن باسقاراتىنى تۋرالى جازعان بولاتىنبىز.
اۆتوركۇنسۇلتان وتارباي