«قازاقستان بارىسى-2024» تۋرنيرىنىڭ جەڭىمپازدارى قانشا سىياقى الادى
استانا. KAZINFORM - استانا قالاسىندا رەسپۋبليكا كۇنىنە وراي، قازاق كۇرەسىنەن وتەتىن «قازاقستان بارىسى-2024» رەسپۋبليكالىق تۋرنيرىنىڭ جەڭىمپازدارىنا قانشا سىياقى بەرىلەتىنى بەلگىلى بولدى.
ناقتىراق ايتساق، 1-ورىن العان پالۋانعا - 15000000 تەڭگە بەرىلسە، 2-ورىن العان سپورتشى - 3300000 تەڭگەگە يەلىك ەتەدى. ال 3-ورىنعا قول جەتكىزگەن بالۋان - 1080000 تەڭگە كولەمىندە سىياقى الادى.
سونىمەن قاتار ءار بالۋان ءار بەلدەسۋدە جەڭىسكە جەتكەنى ءۇشىن تاعى 100000 تەڭگەدەن الىپ وتىرادى.
جالپى «قازاقستان بارىسى-2024» رەسپۋبليكالىق تۋرنيرىنىڭ جۇلدە قورى 27100000 تەڭگە.
اتالعان تۋرنيردە جەڭىسكە جەتكەن بالۋانداردىڭ باپكەرلەرى دە سىياقىسىز قالمايدى. 3720000 تەڭگە سپورتشىلاردىڭ جاتتىقتىرۋشىلارىنا بەرىلەدى.
ماراپاتتاۋ راسىمىنەن كەيىن تۋرنير جەڭىمپازىمەن باسپا ءسوز كونفەرەنسياسى وتەدى.
ايتا كەتەيىك، بارشا سپورت سۇيەر قاۋىم ءۇشىن جارىسقا كىرۋ - تەگىن بولادى. سونىمەن قاتار كورەرمەندەر ءۇشىن ۇلتتىق ستيلدە بەزەندىرىلگەن ويىن-ساۋىق ايماعى ۇيىمداستىرىلادى، وندا اسىق اتۋ، ارقان تارتۋ، توعىزقۇمالاق جانە باسقا دا ۇلتتىق ويىندارىن ويناۋعا بولادى.
اتالعان ءىرى دودا 26-قازان كۇنى «بارىس-ارەنا» ستاديونىندا وتەدى.
ەستەرىڭىزگە سالا كەتەيىك، وسىعان دەيىن جارسىقا كىمدەر قاتىساتىنى تۋرالى جازعان بولاتىنبىز.
اۆتور كۇنسۇلتان وتارباي