قازاقستان ب ا ءا- نىڭ ساۋدانداعى رەزيدەنسياسىنا جاسالعان اۋە شابۋىلىن ايىپتادى
استانا. KAZINFORM - قازاقستان رەسپۋبليكاسى سىرتقى ىستەر مينيسترلىگىنىڭ بىرىككەن اراب امىرلىكتەرىنىڭ سۋدانداعى ديپلوماتيالىق ميسسياسى باسشىسىنىڭ رەزيدەنسياسىنا اۋە شابۋىلىنا قاتىستى مالىمدەمە جاسادى. بۇل تۋرالى ۆەدومستۆونىڭ باسپا ءسوز قىزمەتى ءمالىم ەتتى.
- قازاقستان رەسپۋبليكاسىنىڭ سىرتقى ىستەر مينيسترلىگى 2024 -جىلعى 29-قىركۇيەكتە سۋدان استاناسى حارتۋمداعى بىرىككەن اراب امىرلىكتەرى ديپلوماتيالىق ميسسياسى باسشىسىنىڭ رەزيدەنسياسىنا جاسالعان اۋە شابۋىلىن قاتاڭ ايىپتايدى. ديپلوماتيالىق ميسسيالار مەن ولاردىڭ قىزمەتكەرلەرىنە قاتىستى زورلىق-زومبىلىقتىڭ كەز كەلگەن كورىنىسىنە جول بەرۋگە بولمايدى دەپ سانايمىز. مۇنداي ارەكەتتەر 1961 -جىلعى ديپلوماتيالىق قارىم- قاتىناستار تۋرالى ۆەنا كونۆەنتسياسىنىڭ 22-بابىندا كەپىلدىك بەرىلگەن ديپلوماتيالىق وكىلدىكتەرگە قول سۇعىلماۋشىلىق نەگىزگى قاعيداسىن بۇزادى جانە بارلىق قاتىسى بار تۇلعالاردىڭ جاۋاپكەرشىلىككە تارتىلۋىمەن تولىق تەرگەۋ جۇرگىزۋدى تالاپ ەتەدى، - دەلىنگەن حابارلامادا.
بۇعان دەيىن بىرىككەن اراب امىرلىكتەرىنىڭ (ب ا ءا) سىرتقى ىستەر مينيسترلىگى سۋدان اۋە كۇشتەرىنىڭ ۇشاعى حارتۋمداعى امىرلىك ديپلوماتيالىق وكىلدىگى باسشىسىنىڭ رەزيدەنسياسىنا سوققى بەرگەنى تۋرالى تاسس حابارلاعان بولاتىن.
اۆتور
باقىتگۇل اباي قىزى