قازاقستان، ازەربايجان جانە قىتاي بىرلەسىپ جاڭا جۇك تەرمينالىن سالادى

استانا. KAZINFORM - قازاقستان، ازەربايجان جانە قىتاي ب ۇ ۇ كليماتتىڭ وزگەرۋى بويىنشا باكۋدەگى 29-كونفەرەنسياسى اياسىندا باكۋ پورتىندا جاڭا ينتەرمودالدى جۇك تەرمينالىن سالۋ بويىنشا بىرلەسكەن كاسىپورىن قۇردى.

بۇل تۋرالى Kazinform-نىڭ مەنشىكتى ءتىلشىسى حابارلايدى.

كەلىسىمگە «قازاقستان تەمىر جولى» ا ق باسقارما ءتوراعاسى نۇرلان ساۋرانبايەۆ، «باكۋ حالىقارالىق تەڭىز ساۋدا پورتى» ج ا ق باس ديرەكتورى تالەح زيادوۆ جانە سيان ەركىن ساۋدا پورتىنىڭ قۇرىلىسى جانە وپەراتسيالىق كومپانياسىنىڭ باس ديرەكتورى يۋان سياوتسزيۋن قول قويدى.

جوبا اياسىندا اليات اۋىلىنداعى باكۋ پورتىندا 40 گەكتار اۋماقتا ينتەرمودالدى جۇك تەرمينالىنىڭ ينفراقۇرىلىمىن قۇرۋ جانە دامىتۋ جوسپارلاندى.

بۇل باستاما ازەربايجان تاراپىنىڭ اليات پورتىنىڭ جەر تەلىمى، پايدالانۋ ايلاقتارى مەن تەرمينال قوندىرعىلارى بەرىلۋىنىڭ ارقاسىندا مۇمكىن بولدى. جوبا ترانسكاسپي حالىقارالىق كولىك باعىتى ارقىلى قىتاي- ەۋروپا - قىتاي باعىتىندا كونتەينەرلىك پويىزداردىڭ كولەمىن ۇلعايتۋعا، جەتكىزۋ ۋاقىتىن قىسقارتۋعا، تاسىمالداۋ شىعىندارىن جانە قايتا تيەۋ ۋاقىتىن قىسقارتۋعا مۇمكىندىك بەرەدى.

باكۋ حالىقارالىق تەڭىز ساۋدا پورتى اۋماعىندا جاڭا ينتەرمودالدى جۇك تەرمينالىنىڭ قۇرىلىسىن 2025 -جىلى اياقتاۋ جوسپارلانىپ وتىرعانى ايتىلدى.

بۇعان دەيىن قازاقپارات گرۋزيا زاماناۋي «قۇرعاق پورت» ينتەرمودالدى لوگيستيكالىق ورتالىعىن اشۋدى جوسپارلاپ وتىرعانىن جازعان بولاتىن.

اۆتور

ەركەجان سماعۇلوۆا