قازاقستان الەمدىك مەديتسينانىڭ جاڭا تارتىلىس ورتالىعىنا اينالىپ كەلەدى

استانا. KAZINFORM - ق ر دەنساۋلىق ساقتاۋ مينيسترلىگىنىڭ قولداۋىمەن 13- 14-قازان كۇندەرى «قازاقستاننىڭ دەنساۋلىق ساقتاۋ سالاسى: ءدارى-دارمەك جانە يننوۆاتسيالىق تەحنولوگيالار. تاجىريبە جانە بولاشاعى» اتتى عىلىمي-پراكتيكالىق كونفەرەنسيا وتەدى.

بۇل ءار ەلدەن ساراپشىلاردى جانە مەديتسينانىڭ نەگىزگى باعىتتارىن بىرىكتىرەتىن اۋقىمدى شارا.

ءسىزدى نە كۇتەدى؟

مەديتسينالىق تۋريزم بويىنشا العاشقى حالىقارالىق كونفەرەنسيا؛
«قازاقستاننىڭ سالاۋاتتى قالالارى» رەسپۋبليكالىق فورۋمى؛
كلينيكالىق پراكتيكا مەن دارىلىك ساياساتتاعى يننوۆاتسيالاردى تالقىلاۋ.
500 دەن استام مامان - 30 ەلدىڭ ەلشىلەرى، ق ر دەنساۋلىق ساقتاۋ مينيسترلىگىنىڭ وكىلدەرى، حالىقارالىق ۇيىمدار، فارماتسەۆتيكا جانە مەديتسينالىق تەحنيكا سالاسىنىڭ وكىلدەرى، مەديتسينالىق اگەنتتەر مەن بايەرلەر جينالىپ، شەكاراارالىق مەديتسينالىق كومەك، سيفرلاندىرۋ جانە تەلەمەديتسينا، مەديتسينالىق تۋريزم جانە ساپا ستاندارتتارى، ءدارى-دارمەك پەن جابدىقتارعا قولجەتىمدىلىك تاقىرىپتارىن تالقىلايدى.

كونفەرەنسيا اياسىندا مەديتسينا، فارماتسيەۆتيكا جانە تۋريزم سالاسىنداعى جەتىستىكتەر كورمەسى، سونداي-اق B2B جانە B2G كەزدەسۋلەر وتەدى.

بۇعان دەيىن ماماندار دارىگەرگە سيرەك قارالاتىن ادامداردىڭ مەديتسينالىق تاريفى 20 پايىز قىسقاراتىنىن ەسكەرتتى.