قازاقستان اۋە قورعانىسى كۇشتەرىنىڭ تىكۇشاعى راداردان جوعالىپ كەتتى
15:30, 25 - شىلدە 2025
استانا. KAZINFORM - بۇگىن الماتى وبلىسىندا جوسپارلى ۇشۋ بارىسىندا قازاقستان رەسپۋبليكاسى قارۋلى كۇشتەرى اۋە قورعانىسى كۇشتەرىنىڭ EC-145 تىكۇشاعى راداردان جوعالىپ كەتتى.
- الدىن الا مالىمەت بويىنشا، تىكۇشاق بورتىندا ءۇش ەكيپاج مۇشەسى بولعان. وقيعا ورنىنا قورعانىس مينيسترلىگى جانە ت ج د- نىڭ كۇشتەرى مەن قۇرالدارى جۇمىلدىرىلىپ، ىزدەستىرۋ- قۇتقارۋ جۇمىستارى جۇرگىزىلىپ جاتىر، - دەلىنگەن قورعانىس مينيسترلىگىنىڭ حابارلاماسىندا.
ءمالىم بولعانىنداي، قورعانىس ءمينيسترىنىڭ تاپسىرماسى بويىنشا وقيعانىڭ ءمان-جايىن انىقتاۋ ءۇشىن ارنايى كوميسسيا اتتاندى.
قوسىمشا اقپارات وقيعانى انىقتاۋ بارىسى بويىنشا بەرىلەتىن بولادى.