قازاقستان 4 ەلدى قوساتىن گاز قۇبىرى جوباسىنا قاتىسپاق

الماتى. KAZINFORM - ءبىزدىڭ ەل تۇرىكمەنستان، اۋعانستان، پاكىستان جانە ءۇندىستاندى قوساتىن ت ا پ ءۇ گاز قۇبىرى جوباسىنا قاتىسۋعا نيەتتى. بۇل تۋرالى بيزنەس فورۋمىندا ق ر ەنەرگەتيكا ۆيتسە-ءمينيسترى ەرلان اقكەنجەنوۆ مالىمدەدى.

ايتۋىنشا، قازىر تۇركىمەنستانمەن كەلىسسوزدەر جۇرگىزىلىپ جاتىر.

«ەگەر قازاقستاندىق كومپانيا بۇل جوباعا ءساتتى كىرىسەتىن بولسا، بۇل ءبىزدىڭ ەلدەرىمىزدىڭ گاز سالاسىنداعى ىنتىماقتاستىعىنا جاڭا پەرسپەكتيۆالار اشادى. سونىمەن قاتار، قازاقستاندا جاسىل ەكونوميكاعا كوشۋ تۇجىرىمداماسى قابىلداندى، وعان سايكەس ەلەكتر ەنەرگياسىن وندىرۋدەگى جاڭارتىلاتىن ەنەرگيا كوزدەرىنىڭ ۇلەسى 2030 -جىلعا قاراي - عا، 2050 -جىلعا قاراي P- عا (بالامالى ەنەرگيا كوزدەرىن قوسا العاندا) جەتەدى. ال، 2060 -جىلعا قاراي كومىرتەگى بەيتاراپتىعىنا قول جەتكىزەمىز»، - دەدى ول.

قازىر قازاقستاندا جاڭارتىلاتىن ەنەرگيا كوزدەرىنىڭ 139 نىسانى جۇمىس ىستەيدى.

«مينيسترلىك 5 جىلدىق مەرزىمگە جاڭارتىلاتىن ەنەرگيا كوزدەرى جوبالارىن تاڭداۋ بويىنشا اۋكسيوندار كەستەسىن ازىرلەگەن. اۋكسيونعا شىعارىلعان قۋاتتىلىقتىڭ جالپى كولەمى 2027 -جىلعا دەيىن 6,7 گۆت- تان استام بولدى.

ءبىز اۋعانستاننان كەلگەن ارىپتەستەرىمىزبەن جاڭارتىلاتىن ەنەرگيا كوزدەرى بويىنشا اۋكسيوندار وتكىزۋدەگى تاجىريبەمىزبەن بولىسۋگە دايىنبىز»، - دەپ اتاپ ءوتتى ەرلان اقكەنجەنوۆ.

وسىعان دەيىن قازاقستان مەن اۋعانستان اراسىنداعى ساۋدا اينالىم 330,7 ميلليون دوللارعا جەتكەنى تۋرالى جازعان ەدىك.

اۆتور

الما مۇقانوۆا