قازاقستانعا تاۋىق جۇمىرتقاسىن اكەلۋگە ەكى ايعا ءتيىم سالىندى

استانا. KAZINFORM - قازاقستاندا تاۋىق جۇمىرتقاسىن ەلگە اكەلۋگە ەكى اي مەرزىمگە ۋاقىتشا تىيىم ەنگىزىلدى. شەكتەۋ بارلىق كولىك تۇرلەرىنە، سونىڭ ىشىندە ەۋرازيالىق ەكونوميكالىق وداق (ە ا ە و) جەتكىزىلەتىن ونىمدەرگە دە قاتىستى.

Фото: АШМ

ءتيىستى بۇيرىققا اۋىل شارۋاشىلىعى ءمينيسترى ايداربەك ساپاروۆ 2026-جىلعى 12-قاراشادا قول قويعان.

قۇجاتقا سايكەس، تىيىم قازاقستان اۋماعى ارقىلى جۇمىرتقانى ترانزيتپەن تاسىمالداۋعا، سونداي-اق ە ا ە و- عا مۇشە مەملەكەتتەر اراسىندا قازاقستان اۋماعى ارقىلى جۇزەگە اسىرىلاتىن تاسىمالدارعا قولدانىلمايدى.

سونىمەن قاتار ءبىرقاتار ەرەكشەلىكتەر قاراستىرىلعان. اتاپ ايتقاندا، ەكسپورتتاۋشى ەلدە بۇيرىق كۇشىنە ەنگەنگە دەيىن ەكسپورتقا رەسىمدەلگەن، ءبىراق قازاقستان اۋماعىنا كەيىنىرەك جەتكىزىلگەن جۇمىرتقا پارتيالارىن اكەلۋگە رۇقسات ەتىلەدى. ول ءۇشىن ءتيىستى كەدەندىك دەكلاراتسيالار ۇسىنىلۋى قاجەت.

بۇدان بولەك، بۇيرىق كۇشىنە ەنگەنگە دەيىن قازاقستان اۋماعىنا ناقتى كەلىپ جەتكەن جۇمىرتقالاردى دا اكەلۋگە بولادى. بۇل جاعدايدا ولاردىڭ ەل اۋماعىنا كەلگەنىن راستايتىن ىلەسپە جۇكقۇجات بولۋى ءتيىس.

بۇيرىق 2026-جىلعى 13-قاراشادان باستاپ كۇشىنە ەندى.

ايتا كەتەيىك، قازاقستان اليۋميني فولگاسى مەن ەلەكترودتاردى ەكسپورتتاۋعا شەكتەۋ ەنگىزەدى.