استانا. KAZINFORM – ق ر اۋىل شارۋاشىلىعى مينيسترلىگى اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ تۇركىستان وبلىستىق اۋماقتىق وسىمدىكتەر كارانتينى جونىندەگى مەملەكەتتىك ينسپەكتورى زالالدانعان ءونىمدى تاسىمالداۋ فاكتىسىن انىقتادى. بۇل تۋرالى ۆەدومستۆونىڭ باسپا ءسوز قىزمەتى ءمالىم ەتتى.
فيتوسانيتارلىق باقىلاۋ بارىسىندا وزبەكستان رەسپۋبليكاسىنىڭ تاشكەنت وبلىسىنان قازاقستان اۋماعىنا كارانتيندىك نىسان - ارامسوياۋمەن زالالدانعان 5100 دەن استام شىرايگۇل گۇلى اكەلىنگەنى بەلگىلى بولدى.
- قولدانىستاعى زاڭناما تالاپتارىنا سايكەس ءونىمدى كەرى قايتارۋ تۋرالى اكت راسىمدەلىپ، زالالدانعان گۇلدەر كەرى قايتارىلدى، - دەلىنگەن حابارلامادا.
قابىلدانىپ جاتقان شارالار ەل اۋماعىنا كارانتيندىك زياندى ورگانيزمدەردىڭ جەتكىزىلۋى مەن تارالۋىنىڭ الدىن الۋعا، فيتوسانيتارلىق قاۋىپسىزدىكتى قامتاماسىز ەتۋگە جانە اۋىل شارۋاشىلىعى داقىلدارىن قورعاۋعا باعىتتالعان.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан