قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعان ۇلى مەن ساۋد ارابياسى كورولدىگىنىڭ قاجىلىق جانە ۋمرا ءمينيسترى تاۋفيق بين فاۋزان ءار-رابيعا الداعى قاجىلىق ماۋسىمىن ۇيىمداستىرۋ جونىندەگى كەلىسىمگە قول قويدى.
كەلىسىمدە ەكى ەل اراسىنداعى قاجىلىق ساپارىن ۇيلەستىرۋ، قازاقستاندىق قاجىلارعا كورسەتىلەتىن قىزمەت ساپاسىن قامتاماسىز ەتۋ، ولاردىڭ قاۋىپسىزدىگى مەن مەديتسينالىق تالاپتاردى ساقتاۋ ماسەلەلەرى قامتىلعان.
قۇجاتقا سايكەس، قازاقستانعا الداعى قاجىلىق ماۋسىمىنا 4300 ورىن ءبولىندى. سونداي-اق قاجىلاردى ورنالاستىرۋ، تاسىمالداۋ جانە قاجىلىق قىزمەتتەرىن ۇيىمداستىرۋ بويىنشا تاراپتاردىڭ مىندەتتەرى ايقىندالدى.
ايتا كەتەلىك 2027-جىلعى قاجىلىقتى ۇيىمداستىراتىن ءتورت تۋروپەراتور انىقتالعان ەدى.