جاڭا تۇزەتۋلەر تەگىن مەديتسينالىق كومەكتىڭ كەپىلدىك بەرىلگەن كولەمى جانە مىندەتتى الەۋمەتتىك مەديتسينالىق ساقتاندىرۋ (م ءا م س) جۇيەسى اياسىندا قىزمەت كورسەتەتىن مامانداردىڭ جۇمىسىن باعالاۋ ءتارتىبىن ناقتىلاۋدى كوزدەيدى.
اتاپ ايتقاندا، مەديتسينا قىزمەتكەرلەرىنىڭ جۇمىسىن باعالاۋدا قولدانىلاتىن انا ءولىمى كورسەتكىشىن ەسەپتەۋ تارتىبىنە ەنگىزىلمەك. اتاپ ايتقاندا، مەديتسينالىق ۇيىمعا تىركەلگەن تۇرعىندار اراسىنداعى انا ولىمىنە بايلانىستى قوسالقى كورسەتكىشتەردىڭ جيىنتىق ءمانى ءۇشىن بەلگىلەنگەن ارالىقتى 10-39 پايىزدان 10-29 پايىزعا وزگەرتۋ ۇسىنىلىپ وتىر.
دەنساۋلىق ساقتاۋ مينيسترلىگىنىڭ مالىمەتىنشە، ۇسىنىلعان تۇزەتۋلەر تەك تەحنيكالىق سيپاتتا. ولار كورسەتكىشتەردى ەسەپتەۋدىڭ ءبىرىڭعاي ءتارتىبىن قالىپتاستىرۋعا، ەسەپتەۋلەردىڭ دالدىگىن ارتتىرۋعا جانە ەسەپتى كەزەڭدەگى ناتيجەلەردى باعالاۋ كەزىندە تۇسىنبەۋشىلىكتەردىڭ الدىن الۋعا باعىتتالعان.
بۇل رەتتە مەديتسينا قىزمەتكەرلەرىنىڭ جۇمىسىن باعالاۋ مەن ولاردى ىنتالاندىرۋدىڭ نەگىزگى قاعيداتتارى وزگەرىسسىز قالادى.
قۇجات جوباسى 2026-جىلعى 9-قاراشاعا دەيىن قوعامدىق تالقىلاۋعا ۇسىنىلعان.
ەسكە سالا كەتەيىك، بۇعان دەيىن قازاقستاندا دارىگەر تاپشىلىعى 20,4 پايىزعا ازايعانى حابارلاندى.