11:41, 19 مامىر 2026

قازاقستاننان توكيوعا اۋە رەيسى قاشان اشىلادى

استانا. KAZINFORM - بۇگىن ۇكىمەت وتىرىسىندا پرەمەر-مينيستر ولجاس بەكتەنوۆ قازاقستاننان تىكەلەي جۇرەتىن حالىقارالىق رەيستەردى كوبەيتۋدى تاپسىردى.

Фото: freepik

- توكيو جانە باسقا دا باعىتتار بويىنشا تىكەلەي رەيستەر اشىلاتىنى كوپتەن بەرى ايتىلىپ كەلەدى، ءبىراق ءالى دە ناتيجە جوق… جوسپارلانعان رەيستەر تەك ءسوز جۇزىندە قالىپ قويماسىن، - دەدى ۇكىمەت باسشىسى.

كولىك ءمينيسترى نۇرلان ساۋرانبايەۆ حالىقارالىق رەيستەر جوسپارعا سايكەس ىسكە قوسىلاتىنىن ۋادە ەتتى.

- توكيو بويىنشا وسى جىلدىڭ ءتورتىنشى توقسانىندا، ال ا ق ش-قا كەلەر جىلدىڭ ەكىنشى توقسانىندا رەيستەردى اشامىز. قازىر 34 حالىقارالىق باعدار بويىنشا استانادا رەيستەر ورىندالىپ جاتىر. وسى جىلدىڭ سوڭىنا دەيىن تاعى دا 5 باعىتتى اشامىز، - دەدى مينيستر.

بۇعان دەيىن توكيو، سينگاپۋر، نيۋ-يورككە قازاقستاننان اۋە رەيستەرى اشىلاتىنىن جازعان ەدىك.

سىرتقى ساياسات ەكونوميكا
Ризабек Нүсіпбекұлы
«Қазақ тілі мен әдебиеті» мамандығының магистрі. 2009 жылдан бері "ҚазАқпарат" Халықаралық ақпарат агеніттігінде қызмет атқарады. "ҚазАқпарат" Халықаралық ақпарат агенттігін дамытуға қосқан үлесі үшін және еліміздің ақпарат саласына сіңірген еңбегі үшін «Күміс бітікші» медалінің иегері. Халықаралық, Республикалық жыр мүшәйраларының жүлдегері.