قۇجاتقا سايكەس، تۇرمىستىق باللونداردا ساتىلاتىن سۇيىتىلعان مۇناي گازىن مىندەتتى تاڭبالاۋ 2027 -جىلعى 1-ناۋرىزدان باستاپ ەنگىزىلۋى مۇمكىن.
بۇيرىق جوباسىندا گاز باللوندارىنا سالىناتىن سايكەستەندىرۋ قۇرالدارىنىڭ، ياعني تاڭبالاۋ كودتارىنىڭ ەڭ جوعارى باعاسىن بەلگىلەۋ كوزدەلگەن. بۇل رەتتە مەملەكەت، بيزنەس جانە حالىق مۇددەلەرىنىڭ تەڭگەرىمىن ساقتاۋ ەسكەرىلگەن.
سونىمەن قاتار جاڭا تالاپ سۇيىتىلعان مۇناي گازىنىڭ تۇرمىستىق باللوندارداعى اينالىمىن سيفرلىق باقىلاۋعا مۇمكىندىك بەرمەك.
الايدا قۇجاتقا بەرىلگەن تۇسىندىرمە كەستەدە تاڭبالاۋدىڭ ناقتى قۇنى كورسەتىلمەگەن.
بۇيرىق جوباسى قوعامدىق تالقىلاۋ ءۇشىن «اشىق ن ق ا» پورتالىندا جاريالانعان. تالقىلاۋ 18-قاراشاعا دەيىن جالعاسادى.
بۇعان دەيىن ەلدە مايلاۋ ماتەريالدارى مەن تەحنيكالىق سۇيىقتىقتاردى مىندەتتى تاڭبالاۋ باستالعانىن جازدىق.