مال شارۋاشىلىعى ەلىمىزدىڭ اگروونەركاسىپتىك كەشەنىندەگى نەگىزگى سالالاردىڭ ءبىرى بولىپ قالا بەرەدى. 2026-جىلدىڭ العاشقى توعىز ايىنىڭ قورىتىندىسى بويىنشا قازاقستاندا مال شارۋاشىلىعى ونىمدەرىنىڭ جالپى كولەمى 3 تريلليون 226 ميلليارد تەڭگەدەن استى. ال ناقتى كولەم يندەكسى 103,5 پايىز.
ەسەپتى كەزەڭدە ەلىمىزدە بارلىق ەت تۇرلەرىن ءوندىرۋ كولەمى 846,5 مىڭ تونناعا جەتتى. بۇل وتكەن جىلدىڭ سايكەس كەزەڭىمەن سالىستىرعاندا 3,7 پايىزعا جوعارى.
سيىر ەتى ءوندىرىسى 301,6 مىڭ توننا. وتكەن جىلدىڭ وسى كەزەڭىندە بۇل كورسەتكىش 282,3 مىڭ توننا بولعان. قوي ەتى ءوندىرىسى 88,6 مىڭ توننادان 91,2 مىڭ تونناعا، جىلقى ەتى 115,3 مىڭ توننادان 119,9 مىڭ تونناعا دەيىن ءوستى. قۇس ەتى ءوندىرىسى دە قارقىندى دامىپ، بىلتىر 276,1 مىڭ توننا بولسا، قازىر 277 مىڭ تونناعا جەتتى.
اعىمداعى جىلدىڭ توعىز ايىندا ەلىمىزدە 3,04 ميلليون توننا ءسۇت ءوندىرىلدى. بۇل وتكەن جىلدىڭ سايكەس كەزەڭىمەن سالىستىرعاندا 2,1 پايىزعا كوپ. ال جۇمىرتقا ءوندىرىسى 7,4 پايىزعا ءوسىپ، 3 659,8 ميلليون داناعا جەتتى.
اۋىل شارۋاشىلىعى جانۋارلارىنىڭ سانى دا ارتىپ كەلەدى. ەسەپتى كەزەڭدە ءىرى قارا مال سانى 8 778,4 مىڭ باسقا (103,4 پايىز)، قوي مەن ەشكى سانى 22609,5 مىڭ باسقا (102,3 پايىز)، جىلقى سانى 4787 مىڭ باسقا (107,3 پايىز)، تۇيە سانى 311,5 مىڭ باسقا (104 پايىز) جەتتى. قۇس سانى 49,2 ميلليون بولىپ، 100,4 پايىزدى كورسەتتى.
ايتا كەتەلىك مال ونىمدەرىن وتكىزۋ ءتارتىبى كۇشەيتىلەتىنى تۋرالى جازعان ەدىك.