- ونەركاسىپ سالاسىندا نەگىزگى باسىمدىق تەحنولوگيالىق تاۋەلسىزدىكتى قامتاماسىز ەتۋگە، وتاندىق ءوندىرىستى دامىتۋعا جانە مەملەكەتتىك قولداۋدىڭ تيىمدىلىگىن ارتتىرۋعا باعىتتالادى، - دەدى ول.
ۆيتسە-ءمينيستردىڭ ايتۋىنشا، سيرەك جانە سيرەك جەر مەتالدارىن قوسا العاندا، ستراتەگيالىق ماڭىزى بار ماتەريالداردىڭ تىزبەسىن قالىپتاستىرۋ ءۇشىن ارنايى كوميسسيا قۇرۋ كوزدەلگەن.
- ەلىمىزدىڭ الەمدىك وندىرىستىك تىزبەكتەرگە قاتىسۋىن كەڭەيتىپ، وسى ماقساتتا ماڭىزدى ماتەريالدار بويىنشا ۇلتتىق زەرتحانا قۇرۋ جوسپارلانۋدا. بۇل شيكىزات قورلارىن يگەرۋدى دامىتۋعا جانە يمپورتقا تاۋەلدىلىكتى ازايتۋعا مۇمكىندىك بەرەدى، - دەدى يران شارحان ۇلى.
سونىمەن قاتار وندىرىستىك قۋاتتاردى نارىق قاجەتتىلىكتەرىنە ساي دامىتۋ جانە مەملەكەتتىك قولداۋدىڭ تيىمدىلىگىن ارتتىرۋ ءۇشىن وندىرىستىك بالانستى باعالاۋ ادىستەمەسى بەكىتىلگەن. ول جاڭا جوبالاردىڭ قولدانىستاعى كاسىپورىندارعا ىقپالىن باعالاۋعا مۇمكىندىك بەرەدى.
ونىڭ ايتۋىنشا، «حالىقتىق قۇرىلىس» باعدارلاماسى اياسىندا قۇرىلىس ماتەريالدارى نارىعىنا تالداۋ جۇرگىزىلىپ، وتاندىق ءوندىرىستى كەڭەيتۋ باعىتتارى ايقىندالادى.
- سونىمەن قاتار قۇرىلىستا وتاندىق ماتەريالداردى يمپورتتىق ونىمدەرمەن نەگىزسىز الماستىرۋعا جول بەرمەۋ شارالارى كوزدەلەتىن بولادى، - دەپ اتاپ ءوتتى ۆيتسە- مينيستر.
بۇدان بولەك، ءىرى كاسىپورىندار اينالاسىندا جەتكىزۋشىلەر ەكوجۇيەسىن قالىپتاستىرۋ، رەتتەلەتىن ساتىپ الۋلاردا قازاقستاندىق تاۋار وندىرۋشىلەردى قولداۋ جانە وندىرىستىك كووپەراتسيانى دامىتۋ جۇمىستارى جۇرگىزىلەدى. سونداي- اق تۇپكىلىكتى ءونىم ءوندىرۋدى ىنتالاندىرۋ مەن ونەركاسىپتىك كلاستەرلەردى دامىتۋ مودەلى ازىرلەنىپ جاتىر.
قۇرىلىس جانە كوممۋنالدىق ينفراقۇرىلىم سالاسىنداعى باسىم باعىتتاردىڭ ءبىرى - سۋدى ءتيىمدى پايدالانۋ.
- سۋدى كوپ تۇتىناتىن ءىرى كاسىپورىنداردى اينالىم جانە قايتا پايدالاناتىن سۋمەن جابدىقتاۋ جۇيەلەرىنە كوشىرۋ كوزدەلىپ وتىر. بۇل باعىتتا حالىقارالىق تاجىريبە نەگىزىندە قولجەتىمدى تەحنولوگيالار قاراستىرىلىپ، ءىرى سۋ تۇتىناتىن كاسىپورىندارعا تالداۋ جۇرگىزىلەدى جانە زاڭناماعا قاجەتتى وزگەرىستەر ازىرلەنەدى، - دەدى ول.
اۋىلدىق ەلدى مەكەندەردى ساپالى ءارى ۇزدىكسىز سۋمەن قامتاماسىز ەتۋ ماسەلەسىنە دە باسىمدىق بەرىلەدى. ۆيتسە- ءمينيستردىڭ سوزىنشە، ەندىگى مىندەت - اۋىزسۋدىڭ تۇراقتى بەرىلۋىن، قىزمەت ساپاسىن جانە سالىنعان نىسانداردىڭ ۇزدىكسىز جۇمىس ىستەۋىن قامتاماسىز ەتۋ.
وسى ماقساتتا جەرگىلىكتى اتقارۋشى ورگاندار اۋىلدارداعى سۋمەن جابدىقتاۋ جۇيەلەرىنىڭ جاعدايىن زەردەلەپ، سۋ بەرۋى تۇراقسىز ەلدى مەكەندەردى انىقتايدى.
ۆيتسە- مينيستر اۋقىمدى قۇرىلىس جوبالارىن ىسكە اسىرۋ جانە قۇرىلىس ساپاسىن باقىلاۋ ماسەلەلەرىنە دە توقتالدى.
- بيىل جاڭا قۇرىلىس كودەكسى كۇشىنە ەندى. كودەكس رۇقسات بەرۋ راسىمدەرىن سيفرلاندىرۋدى، قۇرىلىسقا باقىلاۋدى كۇشەيتۋدى جانە تەحنيكالىق تاپسىرىس بەرۋشى ينستيتۋتىن ەنگىزۋدى كوزدەيدى، - دەدى سپيكەر.
ونىڭ ايتۋىنشا، الەۋمەتتىك ينفراقۇرىلىم نىساندارىن جوسپارلاۋ كەزىندە وڭىرلىك ستاندارتتار باسشىلىققا الىنادى. سونىمەن قاتار جاڭا شاعىن اۋدانداردىڭ ينجەنەرلىك- كوممۋنيكاتسيالىق ينفراقۇرىلىم نىساندارىن جالپىۇلتتىق ينفراقۇرىلىمدىق جوبالار تىزبەسىنە ەنگىزۋ مۇمكىندىگى قاراستىرىلادى.
- قۇرىلىس ساپاسى مەن مەرزىمدەرىنىڭ ساقتالۋىن قامتاماسىز ەتۋ ءۇشىن «ە- قۇرىلىس» اقپاراتتىق جۇيەسىندە اتقارۋشىلىق- تەحنيكالىق قۇجاتتامانى جۇرگىزۋ ارقىلى جوبالاردىڭ ىسكە اسىرىلۋىنا باقىلاۋ كۇشەيتىلدى، - دەپ تۇيىندەدى ۆيتسە- مينيستر.
ايتا كەتەيىك، ولجاس بەكتەنوۆ «حالىقتىق قۇرىلىس» باعدارلاماسىنىڭ ماڭىزىن اتاپ ءوتتى.