مۇندا تۇتىنۋشىلارعا تومەن باعامەن تاۋارلاردىڭ ءبىراز ءتۇرى ۇسىنىلعان. كەيبىر ونىمدەردى دان P عا دەيىنگى جەڭىلدىكتەرمەن ساتىپ الۋعا بولادى.
مەرەكەلىك ۇسىنىستاردىڭ ەڭ اۋقىمدى كەزەڭى 21-27-قازان ارالىعىندا بولادى دەپ جوسپارلانىپ وتىر. اكسيالىق باعدارلامالار، ارنايى باعا مەن مەرەكەلىك جەڭىلدىكتەردىڭ باسىم بولىگى ءدال وسى كۇندەرى وتەدى. تۇتىنۋشىلار ازىق تۇلىك جانە ازىق تۇلىك ەمەس تاۋارلاردى ءتيىمدى باعامەن ساتىپ الۋ مۇمكىندىگىنە يە بولادى.
اۋقىمدى ساتىلىمدار ەلىمىزدىڭ ءۇش مەگاپوليسى مەن باسقا دا وڭىرلەرىنىڭ تانىمال ساۋدا ورتالىقتارىندا وتەدى. ماسەلەن، استانادا Republic Day اكسياسىنا MEGA Silk Way، «حان شاتىر»، الماتىدا MEGA Alma-Ata ،MEGA Park جانە Forum Almaty، شىمكەنتتە - Mega Planet پەن Shymkent Plaza ساۋدا ورتالىقتارى قاتىسادى. ال bereke Fest اياسىنداعى ارنايى ۇسىنىستار Magnum ،SMALL، «استىقجان» جانە GraMad ساۋدا جەلىلەرىنىڭ دۇكەندەرىندە قولجەتىمدى بولادى.
جالپى رەسپۋبليكالىق ناۋقاننىڭ باستاماشىلارى - قازاقستان رەسپۋبليكاسى ساۋدا جانە ينتەگراتسيا مينيسترلىگى مەن جەرگىلىكتى اتقارۋشى ورگاندار.
اتالمىش اكسيالار ۇلتتىق مەرەكەگە وراي وتكىزىلىپ، حالىققا قاجەتتى تاۋارلاردى قولجەتىمدى ەتىپ، تۇتىنۋشىلىق سۇرانىستى قولداۋعا، ءارى ىشكى ساۋداعا قوسىمشا سەرپىن بەرۋگە باعىتتالعان. سونىمەن قاتار وتاندىق وندىرۋشىلەردى قولداپ، ونىمدەرىن وتكىزۋ مۇمكىندىكتەرىن كەڭەيتۋگە باسا نازار اۋدارىلدى.
مەرەكەلىك ساتىلىمدارعا قانداي ساۋدا ورتالىقتارى مەن دۇكەندەر قاتىساتىنىن جەرگىلىكتى اتقارۋشى ورگانداردىڭ (اكىمدىكتەردىڭ) رەسمي ينتەرنەت-رەسۋرستارىنان بىلۋگە بولادى.
Republic Day جانە Bereke Fest اكسيالارى 27-قازانعا دەيىن جالعاسادى.
ەسكە سالايىق، مۇنىڭ الدىندا استانادا رەسپۋبليكا كۇنى قالاي اتاپ وتىلەتىنىن جازعانبىز.