قازاقستاندا قاي وڭىرلەردە ەگىزدەر مەن ۇشەمدەر كوپ دۇنيەگە كەلگەن؟

ۇلتتىق ستاتيستيكا بيۋروسى مالىمەتىنشە، بيىل قاڭتار-ءساۋىر ايلارىندا ەلىمىزدە 1926 ەگىز، 54 ۇشەم تىركەلگەن. بۇل كەزەڭدە تورتەمدەر دۇنيەگە كەلمەگەن.

ەگىزدەر بويىنشا

ەگىزدەر سانى بويىنشا تۇركىستان وبلىسى كوش باستاپ تۇر: 263 جاعداي. ودان كەيىن الماتى قالاسى (245) جانە الماتى وبلىسى (175) بار.

ۇشەمدەر بويىنشا

ۇشەمدەر بويىنشا تۇركىستان، اتىراۋ وبلىستارى جانە شىمكەنت قالاسى الدا. ءار وڭىردە 3 ۇشەمنەن تىركەلگەن، ياعني 9 نارەستە دۇنيەگە كەلگەن.

ەلدەگى تۋۋ كورسەتكىشى

ايتا كەتەيىك، قاڭتار-ءساۋىر ارالىعىندا دۇنيەگە كەلگەن بالالاردىڭ جالپى سانى 99,4 مىڭعا جەتكەن. تۋۋ كورسەتكىشىنىڭ ەڭ جوعارى دەڭگەيى تۇركىستان وبلىسىندا (1000 تۇرعىنعا شاققاندا 19,75)، شىمكەنت قالاسىندا (19,39) جانە ماڭعىستاۋ وبلىسىندا (19,28) تىركەلگەن.