استانا. KAZINFORM - بيىلعى توعىز ايدا قازاقستاندا 84 مىڭنان استام نەكە تىركەلدى. رەسمي ستاتيستيكا قازاقستاندىقتاردىڭ وتباسىن قۇرۋ ءۇشىن قاي ايلاردى ءجيى تاڭدايتىنىن كورسەتتى. بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراتسياسى ءمالىم ەتتى.
كورپوراتسيانىڭ مالىمەتىنشە، نەكەنىڭ ەڭ كوبى الماتى قالاسىندا تىركەلسە، ەكىنشى ورىندا - استانا قالاسى، ال ۇزدىك ۇشتىكتى تۇركىستان وبلىسى تۇيىندەيدى.
ال وتباسىلىق ءومىردى باستاۋ ءۇشىن قازاقستاندىقتار ءجيى ماۋسىم ايىن تاڭداعان ەكەن. وسى ايدا 15192 نەكە تىركەلگەن.
ەكىنشى ورىندا تامىز ايى تۇر. بۇل ايدا 11761 جۇپ نەكەسىن قيدىرعان.
ءۇشىنشى ورىنعا شىلدە ايى جايعاسقان. وسى كەزەڭدە 11674 نەكە تىركەلگەن.
ال قىركۇيەك ايىندا 9855 جۇپ وتباسىن قۇرسا، ساۋىردە 8001 نەكە تىركەلگەن.
بۇعان دەيىن قازاقستاندا نەكە سانى بويىنشا الماتى كوش باستاعانىن جازدىق.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан