قازاقستاندا جۇمىسسىزدىق بويىنشا الەۋمەتتىك تولەم قانشا ۋاقىت تولەنەتىنى بەلگىلى بولدى

تولەم الۋ مەرزىمى ازامات ءۇشىن قانشا اي بويى الەۋمەتتىك اۋدارىمدار جۇرگىزىلگەنىنە بايلانىستى بولادى، دەپ حابارلايدى kznews.kz.

وزگەرىستەر ەڭبەك جانە حالىقتى الەۋمەتتىك قورعاۋ ءمينيسترىنىڭ 2026-جىلعى 9-قازانداعى 398-بۇيرىعىمەن بەكىتىلگەن.

جاڭا ەرەجەگە سايكەس:

الەۋمەتتىك اۋدارىمدار 6-12 اي جۇرگىزىلسە، تولەم 1 ايعا تاعايىندالادى؛

12-24 اي اۋدارىم جاسالسا، تولەم 2 ايعا بەرىلەدى؛

اۋدارىمدار 24 اي جانە ودان كوپ ۋاقىت جۇرگىزىلسە، تولەم 3 ايعا تاعايىندالادى.

تولەم مولشەرى جەتى ەڭ تومەنگى جالاقىنىڭ 45 پايىزىنان اسپاۋعا ءتيىس. ەسەپتەۋ كەزىندە ازاماتتىڭ تولەم الۋعا قۇقىعى پايدا بولعان كۇنى قولدانىستا بولعان ەڭ تومەنگى جالاقى مولشەرى ەسكەرىلەدى.

وقۋ جاردەماقى الۋعا كەدەرگى بولمايدى

جۇمىسىنان ايىرىلعان ازامات كاسىبي وقۋدان وتسە دە، الەۋمەتتىك تولەم توقتاتىلمايدى. تولەم ادامنىڭ ونى الۋعا قۇقىعى پايدا بولعان كۇننەن باستاپ تاعايىندالادى.

بالا كۇتىمى بويىنشا تولەمگە دە وزگەرىس ەنگىزىلەدى

بۇعان دەيىن 2027-جىلعى قاڭتاردان باستاپ قازاقستاندىق ايەلدەرگە جۇمىس ىستەي وتىرىپ، بالا ءبىر جارىم جاسقا تولعانعا دەيىنگى كۇتىمىنە بايلانىستى جاردەماقى الۋعا رۇقسات بەرىلەتىنى حابارلانعان. مۇنداي شەكتەۋ 2023-جىلعى ناۋرىزدان بەرى قولدانىستا بولعان.

الايدا جاردەماقىعا ءوتىنىشتى ءبىر رەت قانا بەرۋگە بولادى. تولەمنەن باس تارتىپ، جۇمىسقا شىققان ايەلدەر ونى قايتا راسىمدەي المايدى.