استانا. قازاقپارات - قازاقستاندا جول ۇستىندە ناماز وقۋعا تىيىم سالىنادى. ياعني باسقا ادامداردىڭ قوزعالىسىنا كەدەرگى كەلتىرىپ قۇلشىلىق جاساۋعا بولمايدى. ونداي ارەكەت زاڭعا عانا ەمەس، ءدىني ەرەجەگە دە قايشى ەكەن. بۇل تۋرالى Stan.kz اقپارات اگەنتتىگى حابارلايدى.
بۇگىندە قالالاردا، اسىرەسە الماتىدا جۇما كۇندەرى قۇلشىلىق ەتەتىن ورىنداردا كەپتەلىس بولىپ، عيماراتقا سىيماعان ادامداردىڭ كوشەگە دەيىن شىعىپ كەتەتىنى ءجيى بايقالادى. سول سەبەپتى ءدىني باسقارما وكىلدەرى نامازعا ۋاقىتىندا كەلىپ، كولىكتەرىن وزگەلەرگە كەدەرگى كەلتىرمەيتىن تۇراقتارعا قويۋ كەرەگىن ەسكەرتتى.
«كولىكپەن بولسىن، ءوزى بولسىن جولدى جاۋىپ تاستاپ، ناماز وقىعانشا، ودان دا ونىڭ وقىماي-اق قويعانى دۇرىس. نەگە؟ سەبەبى پارىزدان بۇرىن ءبىرىنشى نارسە بار. ادامدارعا زيان تيگىزبەۋ، دەنساۋلىققا زيان كەلتىرمەۋ ءبىرىنشى ورىندا تۇرادى. دەنى ساۋ بولماسا، قۇلشىلىق جاساي المايدى»، - دەدى الماتى ورتالىق مەشىتىنىڭ نايب يمامى باۋىرجان كوپتىلەۋوۆ.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан