بۇل تۋرالى اكادەميك ن. د. باتپەنوۆ اتىنداعى ۇلتتىق عىلىمي تراۆماتولوگيا جانە ورتوپەديا ورتالىعىنىڭ ديرەكتورى ولجاس بەكارىسوۆ دەنساۋلىق ساقتاۋ مينيسترلىگىنە 2025 -جىلدىڭ قورىتىندىسى مەن 2026 -جىلدىڭ ءبىرىنشى توقسانى بويىنشا ەسەپ بەرۋ كەزىندە ايتتى.
ورتالىق مالىمەتىنشە، 2025 -جىلى قازاقستاندا جازاتايىم وقيعالاردان، ۋلانۋلار مەن جاراقاتتاردان بولاتىن ءولىم كورسەتكىشى %8,5- عا تومەندەگەن.
ال جول-كولىك وقيعالارىنان بولاتىن ءولىم-ءجىتىم % 7,- عا ازايعان.
سونىمەن قاتار ەلدە جول اپاتتارىنىڭ سانى ءوسىپ كەلەدى. وتكەن جىلى قازاقستاندا 36 مىڭنان استام جول-كولىك وقيعاسى تىركەلگەن.
ۆەدومستۆو مالىمەتىنشە، نەگىزگى باعىتتاردىڭ ءبىرى - جاراقاتتانۋدىڭ الدىن الۋ. قازىر مەملەكەتتىك ورگاندارمەن بىرلەسىپ 2026-2030 -جىلدارعا ارنالعان جول-كولىك وقيعالارى سالدارىن تومەندەتۋ جونىندەگى ۆەدومستۆوارالىق جوسپار جۇزەگە اسىرىلىپ جاتىر.
وسى جۇمىستار اياسىندا جول اپاتتارى ءجيى بولاتىن قاۋىپتى ۋچاسكەلەردىڭ سيفرلىق كارتاسى ازىرلەنۋدە.
سونداي-اق قازاقستاندا وڭىرلىك تراۆماتولوگيالىق قىزمەت كۇشەيتىلىپ جاتىر.
ەلدە وڭىرلىك تراۆماتولوگيالىق ورتالىقتار قۇرۋ جالعاسۋدا. پيلوتتىق جوبالار استانا، الماتى جانە بالقاش قالالارىندا ىسكە اسىرىلىپ جاتىر.
بۇدان بولەك، وڭىرلەردە جاڭا بەيىندى بولىمشەلەر مەن تراۆمپۋنكتتەر اشىلۋدا.
اكادەميك ن. د. باتپەنوۆ اتىنداعى ۇلتتىق عىلىمي تراۆماتولوگيا جانە ورتوپەديا ورتالىعى بۇگىندە ورتالىق ازياداعى ەڭ ءىرى جوعارى تەحنولوگيالىق ورتوپەديالىق ورتالىقتاردىڭ بىرىنە اينالعان. 2025 -جىلى مۇندا 10,7 مىڭنان استام وپەراتسيا جاسالعان.
- ولاردىڭ قاتارىندا روبوتتاندىرىلعان ەندوپروتەزدەۋ، نەيروناۆيگاتسيا قولدانىلاتىن وپەراتسيالار، 3D- يمپلانتتار مەن جاسۋشالىق تەحنولوگيالاردى پايدالانۋ ارقىلى جاسالعان كۇردەلى وتالار بار.
ورتالىق مەديتسينالىق تۋريزمدى دامىتۋعا دا باسىمدىق بەرىپ وتىر، - دەدى دارىگەر.
مامانداردىڭ ايتۋىنشا، قازاقستانداعى ورتوپەديالىق وپەراتسيالاردىڭ قۇنى شەتەلدىك كلينيكالارمەن سالىستىرعاندا بىرنەشە ەسە ارزان، ال ەمدەۋ ساپاسى حالىقارالىق ستاندارتتارعا ساي كەلەدى.
2025 -جىلى ورتالىق مەديتسينالىق ءتۋريزمدى دامىتۋعا ارنالعان حالىقارالىق فورۋم وتكىزىپ، وعان 13 ەلدەن دەلەگاتتار قاتىسقان.
سونىمەن قاتار قازاقستاندىق دارىگەرلەر وزبەكستان تاريحىندا العاش رەت MAKO جۇيەسى ارقىلى روبوتتاندىرىلعان وپەراتسيا جاساعان.
قازىر استانادا ورتالىقتىڭ جاڭا زاماناۋي كورپۋسىن سالۋ جۇمىستارى جالعاسىپ جاتىر.
ايتا كەتەيىك، ءى ءى م بىلتىر جول-كولىك وقيعالارىنان بولاتىن ءولىم-ءجىتىم %9,7- عا تومەندەگەنىن مالىمدەدى.