ازاماتتاردىڭ ءال-اۋقاتى وتباسىنىڭ سيفرلىق كارتاسى ارقىلى ساراپتالىپ، جۇيە مۇلىك پەن قارىز كورسەتكىشتەرىن اۆتوماتتى تۇردە باعالايدى.
ايگەرىم ساتبايەۆا، قارجى ساراپشىسى:
دەڭگەيدى انىقتاۋ كەزىندە نەگىزگى كورسەتكىشتەر ەسكەرىلەدى: تاعى باسقالارى، نەسيەلەر، اۆتوكولىكتىڭ، بيزنەستىڭ، ءۇيدىڭ كولەمى، بالالاردىڭ سانى جانە تاعى باسقالارى. ءاربىر كورسەتكىش بويىنشا بال قوسىلادى نەمەسە شەگەرىلەدى، ناتيجەسىندە قورىتىندى جيىنتىق بالل شىعادى. ول ادامنىڭ نەمەسە وتباسىنىڭ ماتەريالدىق جاعدايىنىڭ دەڭگەيىن كورسەتەدى. مىسالى، قولدانىستاعى ادىستەمە بويىنشا ا كلاسسى - مىڭ سەگىز ءجۇز بال جانە ودان جوعارى بولسا، ە كلاسسى - مينۋس ءتورت ءجۇز ەلۋ توعىز بال بولادى.
قازىر قازاقستاندا جەرلەۋ شىعىندارىنا ارنالعان تولەمدەر ەكى كوزدەن قاراستىرىلعان: ونىڭ ءبىرى - مەملەكەتتىك بيۋدجەت، ەكىنشىسى - ءبىرىڭعاي جيناقتاۋشى زەينەتاقى قورىنداعى جيناقتار. ەگەر ازامات مۇقتاج ساناتقا جاتسا، جاردەماقى الۋ ءۇشىن بۇرىنعىداي قاعاز باستىلىقپەن اۋرە بولىپ، جازباشا ءوتىنىش جازۋدىڭ قاجەتى جوق — e-gov پورتالىنداعى ۇلگىنى تولتىرسا جەتكىلىكتى. اقپاراتتىق جۇيە مەملەكەتتىك ورگاندار مەن كرەديتتىك بيۋرو دەرەكتەرىن ءوزارا ساراپتايدى.
دەگەنمەن بۇل رەتتە وتباسىنىڭ بارلىق كامەلەتكە تولعان مۇشەلەرى جەكە دەرەكتەردى جيناۋعا، وڭدەۋگە جانە تەكسەرۋگە مىندەتتى تۇردە كەلىسىم بەرۋى ءتيىس. تولەمدى الۋ ءۇشىن دەربەس دەرەكتەردى وڭدەۋگە كەلىسىم بەرۋ قاجەت. جۇيە مەملەكەتتىك ورگانداردىڭ مالىمەتتەرىن، سونداي-اق كرەديت بيۋرو دەرەكتەرىن، ونىڭ ىشىندە كرەديتتەردى، قارىزداردى، اي سايىنعى تولەمدەردى تەكسەرەدى. ەگەر وتباسىنىڭ مۇقتاجدار ساناتىنا جاتپايتىندىعى انىقتالسا، سەرۆيستە اۆتوماتتى تۇردە باس تارتۋ تۋرالى حابارلاما قالىپتاسادى.
اتالعان جاڭا تالاپتار 2027 -جىلدىڭ 1- قاڭتارىنان باستاپ رەسمي تۇردە قولدانىسقا ەنگىزىلەدى. بۇدان بولەك، زەينەتكەرلەر مەن جاردەماقى الۋشىلارعا قاتىستى تولەم سومالارى مەن مەرزىمدەرى ناقتى زاڭنامالىق نورمالارمەن رەتتەلەدى. تولەم مولشەرى قايتىس بولعان كۇنگى ايلىق ەسەپتىك كورسەتكىش مولشەرىنە قاراي ەسەپتەلەدى. اقشا الۋشى زەينەتكەر نەمەسە جاردەماقى الۋشى قايتىس بولعان كۇننەن باستاپ ءۇش جىل ىشىندە ءوتىنىش بەرەدى. ءوتىنىش بەرۋشى، زەينەتاقى نەمەسە جاردەماقى الۋشىنىڭ قايتىس بولۋى تۋرالى مالىمەتتەر مەملەكەتتىك اقپاراتتىق جۇيەسى ارقىلى تەكسەرىلەدى. قاجەتتى مالىمەتتەر بولماعان كەزدە ءوتىنىش بەرۋشى بەلگىلەنگەن قاعيدالارعا سايكەس راستايتىن قۇجاتتى ۇسىنا الادى، - دەيدى ساراپشى.
24.kz