بيىل جۇك كولىكتەرى نارىعىنىڭ كەڭەيۋى نەگىزىنەن شەتەلدەن كەلەتىن كولىكتەر سانىنىڭ ارتۋىنا بايلانىستى بولدى. بەس ايدا يمپورت كولەمى 54,4 مىڭ بىرلىككە جەتىپ، بىلتىرعى كورسەتكىشتەن 6,5 ەسەگە وسكەن. ال وتاندىق ءوندىرىس كولەمى كەرىسىنشە تومەندەگەن. قاڭتار-مامىر ارالىعىندا قازاقستاندا 2,4 مىڭ جۇك كولىگى شىعارىلدى. بۇل وتكەن جىلمەن سالىستىرعاندا %13,1- عا از. بىلتىر وسى كەزەڭدە 2,8 مىڭ جۇك كولىگى وندىرىلگەن.
وسىعان بايلانىستى ىشكى سۇرانىستى قامتاماسىز ەتۋدەگى قازاقستاندىق وندىرۋشىلەردىڭ ۇلەسى دە ايتارلىقتاي قىسقاردى. 2026 -جىلدىڭ العاشقى بەس ايىندا ولاردىڭ ۇلەسى %4,2- دى قۇرادى. ال ءبىر جىل بۇرىن بۇل كورسەتكىش %24,9 بولعان. وسىلايشا، بيىل قازاقستانداعى جۇك كولىكتەرى نارىعىنىڭ ءوسىمى نەگىزىنەن شەتەلدىك جەتكىزىلىمدەردىڭ ارتۋى ەسەبىنەن قالىپتاسىپ وتىر. ال وتاندىق ءوندىرىستىڭ نارىقتاعى ۇلەسى ايتارلىقتاي تومەندەگەن.