الەۋمەتتىك مەديتسينالىق ساقتاندىرۋ قورى Tengri Health سۇراۋىنا بەرگەن جاۋابىندا 2026-جىلعى قاڭتار-تامىز ارالىعىندا م ءا م س ەسەبىنەن تولەنگەن مەديتسينالىق كومەكتىڭ ەڭ قىمبات ون ءتۇرىن اتادى.
ەڭ قىمبات ون وتا مەن پروتسەدۋرا
1. وكپە ترانسپلانتاتسياسى
ءبىر وتانىڭ ورتاشا قۇنى
24,8 ميلليون تەڭگە
2026-جىلعى قاڭتار-تامىز: 1 وتا.
2. فەتالدىق دىڭ جاسۋشالارىن ترانسپلانتاتسيالاۋ
ءبىر وتانىڭ ورتاشا قۇنى
17,9 ميلليون تەڭگە
2026-جىلعى قاڭتار-تامىز: 73 پروتسەدۋرا.
جالپى شىعىن: 1,3 ميلليارد تەڭگە.
بۇل - ادام ۇرىعىنىڭ تىندەرىنەن الىنعان جاسۋشالاردى ناۋقاستىڭ اعزاسىنا ەنگىزۋ پروتسەدۋراسى. مۇنداي جاسۋشالار ءبولىنىپ، اعزاداعى بەلگىلى ءبىر جاسۋشا تۇرلەرىنە اينالا الادى. ولاردى زاقىمدانعان تىندەردى قالپىنا كەلتىرۋ ماقساتىندا زەرتتەپ جاتىر.
3. ميترالدى قاقپاقشانى كليپتەۋ
ءبىر وتانىڭ ورتاشا قۇنى
17,8 ميلليون تەڭگە
2026-جىلعى قاڭتار-تامىز: 80 وتا.
جالپى شىعىن: 1,4 ميلليارد تەڭگە.
بۇل - جۇرەككە جاسالاتىن از ينۆازيۆتى وتا. ونىڭ بارىسىندا ارنايى مەتال قىسقىشتىڭ كومەگىمەن ميترالدى قاقپاقشا ارقىلى قاننىڭ كەرى اعۋى توقتاتىلادى نەمەسە ازايتىلادى.
4. جۇرەك ترانسپلانتاتسياسى
ءبىر وتانىڭ ورتاشا قۇنى
11,3 ميلليون تەڭگە
2026-جىلعى قاڭتار-تامىز: 4 وتا.
جالپى شىعىن: 45,1 ميلليون تەڭگە.
5. قايتىس بولعان دونوردان باۋىر ترانسپلانتاتسيالاۋ
ءبىر وتانىڭ ورتاشا قۇنى
10,4 ميلليون تەڭگە
2026-جىلعى قاڭتار-تامىز: 3 وتا.
جالپى شىعىن: 31,3 ميلليون تەڭگە.
6. فارماكورەزيستەنتتى ەپيلەپسيا كەزىندە كەزبە جۇيكەنى ىنتالاندىرۋ
ءبىر وتانىڭ ورتاشا قۇنى
10,2 ميلليون تەڭگە
2026-جىلعى قاڭتار-تامىز: 37 جاعداي.
جالپى شىعىن: 376,5 ميلليون تەڭگە.
بۇل - دارىلەر ۇستامالاردى باقىلاۋعا مۇمكىندىك بەرمەيتىن ەپيلەپسيانى ەمدەۋدىڭ قوسىمشا ءادىسى. كەۋدە تۇسىنداعى تەرىنىڭ استىنا شاعىن قۇرىلعى ورناتىلىپ، ول ەلەكترود ارقىلى مويىنداعى كەزبە جۇيكەگە جالعانادى. قۇرىلعى جۇيەلى تۇردە ەلەكتر يمپۋلستەرىن جىبەرەدى. ولار جۇيكە ارقىلى ميدىڭ جۇمىسىنا اسەر ەتىپ، ۇستامالاردىڭ جيىلىگى مەن اۋىرلىعىن ازايتۋى مۇمكىن.
7. ءتىرى دونوردان باۋىر ترانسپلانتاتسيالاۋ
ءبىر وتانىڭ ورتاشا قۇنى
8,8 ميلليون تەڭگە
2026-جىلعى قاڭتار-تامىز: 23 وتا.
جالپى شىعىن: 201,6 ميلليون تەڭگە.
8. بيۆەنتريكۋليارلىق دەفيبريللياتوردى يمپلانتاتسيالاۋ
ءبىر وتانىڭ ورتاشا قۇنى
8,7 ميلليون تەڭگە
2026-جىلعى قاڭتار- تامىز: 680 جاعداي.
جالپى شىعىن: 5,9 ميلليارد تەڭگە.
وتا بارىسىندا جۇرەكتىڭ دۇرىس جيىرىلۋىنا كومەكتەسەتىن جانە جۇرەك ىرعاعىنىڭ قاۋىپتى بۇزىلىستارىنان قورعايتىن ارنايى ەلەكتروندىق قۇرىلعى ورناتىلادى.
9. اۆتوماتتى كارديوۆەرتەر - دەفيبريللياتوردى يمپلانتاتسيالاۋ
ءبىر وتانىڭ ورتاشا قۇنى
8,7 ميلليون تەڭگە
2026-جىلعى قاڭتار-تامىز: 1332 وتا.
جالپى شىعىن: 11,6 ميلليارد تەڭگە.
بۇل - جۇرەك ىرعاعىن ۇزدىكسىز باقىلاپ وتىراتىن شاعىن ەلەكتروندىق قۇرىلعىنى ورناتۋ وتاسى. قاۋىپتى ىرعاق بۇزىلىسى تۋىنداعان كەزدە قۇرىلعى جۇرەكتىڭ قالىپتى جۇمىسىن قالپىنا كەلتىرۋ ءۇشىن اۆتوماتتى تۇردە ەلەكتر رازريادىن بەرەدى.
10. اۆتوماتتى كارديوۆەرتەر- دەفيبريللياتوردىڭ تەك يمپۋلس گەنەراتورىن يمپلانتاتسيالاۋ
ءبىر وتانىڭ ورتاشا قۇنى
8,7 ميلليون تەڭگە
2026-جىلعى قاڭتار-تامىز: 38 جاعداي.
جالپى شىعىن: 330,8 ميلليون تەڭگە.
مۇندايدا ناۋقاسقا قۇرىلعىنىڭ تەك نەگىزگى بولىگى ورناتىلادى نەمەسە اۋىستىرىلادى.
2025-جىلى قاي وتالار ەڭ قىمبات بولدى؟
2025-جىلى ەڭ قىمبات مەديتسينالىق قىزمەتتەردىڭ ءتىزىمى ءسال وزگەشە بولعان. تومەندەگى مالىمەتتەر تولىق ءبىر جىلدى قامتيدى.
ءبىرىنشى ورىندا فەتالدىق ءدىڭ جاسۋشالارىن ترانسپلانتاتسيالاۋ تۇرعان. ءبىر جىلدا وسىنداي 132 پروتسەدۋرا جۇرگىزىلگەن. ءارقايسىسىنىڭ ورتاشا قۇنى 18,3 ميلليون تەڭگە بولسا، مەديتسينالىق ۇيىمدار قورعا ۇسىنعان شوتتاردىڭ جالپى سوماسى 2,4 ميلليارد تەڭگەنى قۇراعان.
ەكىنشى ورىنعا ميترالدى قاقپاقشانى كليپتەۋ شىققان. ءبىر وتانىڭ ورتاشا قۇنى 17,3 ميلليون تەڭگە بولعان. 2025-جىلى وسىنداي 54 وتا جاسالىپ، جالپى قۇنى 936,8 ميلليون تەڭگەگە جەتكەن.
ءۇشىنشى ورىندا جۇرەك ترانسپلانتاتسياسى تۇرعان. ونىڭ ورتاشا قۇنى - 11,2 ميلليون تەڭگە.
م ءا م س قاراجاتى قاي باعىتتارعا جۇمسالادى؟
قور مالىمەتىنشە، م ءا م س جۇيەسىندەگى شىعىنداردىڭ نەگىزگى بولىگىن ستاتسيونار جاعدايىنداعى مامانداندىرىلعان مەديتسينالىق كومەك، كونسۋلتاتسيالىق-دياگنوستيكالىق كومەك، اۋىل تۇرعىندارىنا كورسەتىلەتىن مەديتسينالىق كومەك، جوعارى تەحنولوگيالىق مەديتسينا جانە باسقا دا قىزمەتتەر قۇرايدى.
Massaget.kz