بىلتىر بۇل كورسەتكىش 15 مىڭعا جۋىقتاعان ەدى. سونداعى ءوسىم 18,5 پايىزدى قۇراپتى. كورشى ەلدەرمەن سالىستىرار بولساق، وزبەكستانداعى جالپى ىشكى ءونىم 4 660, قىرعىزستاندا 3200, ال تاجىكستاندا 1940 دوللار شاماسىندا.
قارجىلىق ساراپشى ايبار ولجايەۆتىڭ ايتۋىنشا، قازاقستاندىق جالپى ىشكى ءونىمنىڭ وسىمىنە شيكىزاتتىق ەمەس سەكتور مەن قىزمەت كورسەتۋ سالاسىنىڭ دامۋى ايتارلىقتاي اسەر ەتكەن. ماسەلەن، وڭدەۋشى كاسىپورىنداردىڭ ونىمدىلىگى ارتتى. سونىمەن بىرگە جۇك تاسۋ، قويمالاۋ جانە كولىك- لوگيستيكالىق قىزمەت كورسەتۋ ۇلەسى ءبىرشاما ۇلعايعان. وعان قوسا قۇرىلىس، ساۋدا، فارماتسيەۆتيكا سالالارى جاقسى كورسەتكىشكە قول جەتكىزگەن. ينفلياتسيالىق كانالدار ارقىلى ەكونوميكاعا جاعىمدى ىقپال تيگىزگەن جايتتار دا بار، دەيدى ايبار ولجايەۆ.
ايبار ولجايەۆ، قارجى ساراپشىسى:
- تەڭگەنىڭ تۇراقتى بولعانى، تەڭگە كۋرسىنىڭ كىشكەنە جوعارى بولعانى بەس جۇزدەن تومەن، 480 بولعانى ءبارىبىر تۇپكى ماكروەكونوميكالىق ەففەكتىنى العان كەزدە بىزگە اناعۇرلىم پايدالىراق. سەبەبى ينفلياتسيا بويىنشا جانە بىزگە كوپتەگەن ينۆەستوردىڭ كەلە باستاۋى ءبىزىدڭ سۋۆەرەندى وبليگاتسيالاردىڭ شەتەلدىك نارىققا ساتىلۋى، رەزيدەنت ەمەستەر قازىر كوبىرەك ساتىپ الۋدا ءبىزدىڭ وبليگاتسيالاردى وسىنىڭ ءبارى ءبىزدىڭ ىشكى قارجىلىق نارىقتىڭ قىزىپ، وعان كوپ اقشانىڭ كەلىپ، كاپيتالدىڭ كوبەيۋىنە الىپ كەلەدى.