ءمينيستردىڭ ايتۋىنشا، سوڭعى بىرنەشە ايدا قازاقستاندا شىعارىلعان اۆتوكولىكتەردىڭ باعاسى شامامەن 11 پايىزعا تومەندەگەن.
- ەلىمىزدە وندىرىلگەن اۆتوكولىكتەردىڭ باعاسى ارزانداپ جاتىر. مەنىڭ بىلۋىمشە، سوڭعى ايلاردا باعا شامامەن 11 پايىزعا تومەندەدى. قازىر اۆتوكولىكتەردىڭ باعاسى بۇرنعىدان شامامەن 10 پايىزعا ارزان، وعان قوسا ءتۇرلى اكتسيالار دا بار، - دەدى ەرسايىن ناعاسپايەۆ.
سونداي-اق مينيستر جىل سوڭىنا دەيىن اۆتوكولىك وندىرۋشىلەرى قوسىمشا جەڭىلدىكتەر ۇسىنۋى مۇمكىن ەكەنىن ايتتى.
- جىل سوڭىنا جاقىنداعان سايىن بيىل شىعارىلعان مودەلدەر ەسكىرە باستايدى، ياعني، تۇتىنۋشىلار 2027 -جىلعى كولىكتەردى ساتىپ الۋعا تىرىسادى. قازىر قاراشا، جەلتوقسان ايلارى جاقىنداپ كەلەدى. سوندىقتان جەڭىلدىكتەر بولاتىنى تۇسىنىكتى. مەنىڭشە، باعالار ءالى دە تومەندەيدى، - دەدى مينيستر.
سونىمەن قاتار ناعاسپايەۆ قازاقستاندا اۆتوكولىك ءوندىرىسىن ۇلعايتۋ جوسپارلارى تۋرالى دا ايتتى. بىلتىر ەلىمىزدە 71 مىڭ اۆتوكولىك شىعارىلسا، بيىل 191 مىڭ اۆتوكولىك ءوندىرۋ جوسپارلانىپ وتىر.
اتاپ ايتقاندا، الماتى وبلىسىندا جىلىنا 70 مىڭ اۆتوكولىك شىعارۋعا قاۋقارلى Kia زاۋىتى ىسكە قوسىلدى. سونىمەن قاتار الماتى قالاسىندا جىلىنا 120 مىڭعا دەيىن اۆتوكولىك وندىرۋگە ارنالعان كوپبرەندتى زاۋىت جۇمىس ىستەپ تۇر.