بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى ازىرلەگەن بۇيرىق جوباسى «اشىق ن ق ا» پورتالىنا جاريالاندى.
جوبا ەلىمىزگە ەكونوميكانىڭ باسىم سالالارىندا سۇرانىسقا يە بىلىكتى شەتەلدىك مامانداردى تارتۋ ءۇشىن جاعداي جاساۋعا باعىتتالعان.
- جوبادا قازاقستان رەسپۋبليكاسىندا تۇراقتى تۇرۋعا رۇقسات الۋ ءۇشىن شەتەل ازاماتتارىنا سۇرانىسقا يە كاسىپتەر تىزبەسىن ۇلتتىق ەكونوميكانىڭ قاجەتتىلىكتەرى مەن باسىم سالالاردى ەسكەرە وتىرىپ، 51 كاسىپتەن 174 كاسىپكە دەيىن كەڭەيتۋ كوزدەلەدى،-دەلىنگەن قۇجاتتا.
كۇتىلەتىن ناتيجە - ەكونوميكانىڭ باسىم سالالارىنا جوعارى بىلىكتى شەتەلدىك مامانداردى تارتۋ ءۇشىن سۇرانىسقا يە كاسىپتەر تىزبەسىن كەڭەيتۋ. ىسكە اسىرۋ مەرزىمى ەڭبەك جانە حالىقتى الەۋمەتتىك قورعاۋ ءمينيسترىنىڭ بۇيرىعى قابىلدانعاننان كەيىن بەلگىلەنەدى.
ايتا كەتەيىك، بۇيرىق جوباسى ءبىرقاتار جوعارى دەڭگەيدەگى قۇجاتتى ىسكە اسىرۋ ماقساتىندا ازىرلەندى. اتاپ ايتقاندا:
- قازاقستان رەسپۋبليكاسى پرەزيدەنتىنىڭ 2025-جىلعى 13-قازانداعى № 1042 جارلىعىمەن بەكىتىلگەن جالپى ۇلتتىق ءىس-شارالار جوسپارىنىڭ 85-تارماعى؛
- مەملەكەت باسشىسىنىڭ 2026-جىلعى 25-ساۋىردەگى № 1242 «جوعارى بىلىكتى مامانداردى، شەتەلدىك ينۆەستورلاردى جانە كاسىپكەرلەردى تارتۋ ءۇشىن قولايلى جاعدايلار جاساۋ ماقساتىندا كوشى-قون ساياساتىن جەتىلدىرۋ جونىندەگى شارالار تۋرالى» جارلىعىنىڭ ءتيىستى تارماقشاسى؛
- قازاقستان رەسپۋبليكاسىنىڭ 2030-جىلعا دەيىنگى كوشى-قون ساياساتى تۇجىرىمداماسىن ىسكە اسىرۋ جونىندەگى ءىس-قيمىل جوسپارىنىڭ 33-تارماعى.
جوبانى تالقىلاۋ 2026-جىلعى 6-قازانعا دەيىن جالعاسادى.
بۇعان دەيىن قازاقستاندا شەتەلدىك مامانداردى وتاندىق كادرلارمەن الماستىرۋ باعدارلاماسى ازىرلەنەتىنىن جازعانبىز.