كامبودجا پرەمەر-ءمينيسترى ەكى ەل اراسىنداعى مادەني- گۋمانيتارلىق بايلانىستاردىڭ ايرىقشا سيپاتىنا نازار اۋداردى.
— كامبودجانىڭ 120-دان اسا ستۋدەنتى قازاقستاندا ءبىلىم الدى. بۇگىندە ولاردىڭ كوبى پروۆينتسيالاردا گۋبەرناتور، مەملەكەتتىك حاتشى لاۋازىمدارىندا ەڭبەك ەتۋدە. سونىمەن قاتار مەملەكەتتىك ورگانداردا جاۋاپتى قىزمەتتەر اتقارىپ ءجۇر. بۇل ەلدەرىمىزدى ورتاق تاريح پەن حالىقتارىمىز اراسىنداعى تىعىز قارىم- قاتىناس بايلانىستىراتىنىن اڭعارتادى، — دەدى پرەمەر-مينيستر.
حۋن مانەت كامبودجا ازىق-تۇلىك قاۋىپسىزدىگى، اۋىل شارۋاشىلىعى جانە وڭدەۋ ونەركاسىبى سالالارىندا ىقپالداستىقتى جانداندىرۋعا نيەتتى ەكەنىن ايتتى.
تاراپتار جوعارى دەڭگەيدە جۇرگىزىلگەن بۇگىنگى كەلىسسوزدەر ەلدەرىمىز اراسىنداعى ساۋدا- ساتتىق كولەمىن ۇلعايتىپ، ىسكەرلىك بارىس- كەلىستى نىعايتۋعا جانە سەرىكتەستىڭ تىڭ باعىتتارىن جولعا قويۋعا ىقپال ەتەتىنىنە سەنىم ءبىلدىردى.
ايتا كەتەيىك، بۇگىن اقوردادا مەملەكەت باسشىسى قاسىم- جومارت توقايەۆ كامبودجا كورولدىگىنىڭ پرەمەر- ءمينيسترى حۋن مانەتتى قارسى الدى.
پرەزيدەنت قاسىم-جومارت توقايەۆ كامبودجانى قازاقستاننىڭ وڭتۇستىك- شىعىس ازياداعى سەنىمدى سەرىكتەسى دەپ اتادى.
قوس مەملەكەت ەنەرگەتيكا جانە ەلەكتروندى ۇكىمەت سالاسىندا ىنتىماقتاستىقتى كەڭەيتپەك.