قۇجاتقا سايكەس، جەكەلەگەن حولدينگتىك قۇرىلىمداردى قوسپاعاندا، اكسيونەرلىك قوعامدار مەن قارجى ۇيىمدارى جىل سايىن 31-تامىزعا دەيىن حالىقارالىق ستاندارتتارعا ساي ازىرلەنگەن جىلدىق قارجىلىق ەسەپتىلىك پەن اۋديتورلىق قورىتىندىنى جاريالاپ وتىرۋى ءتيىس.
ەگەر ۇيىمنىڭ ەنشىلەس كومپانيالارى بولسا، شوعىرلاندىرىلعان قارجىلىق ەسەپتىلىك جاريالانادى. ال ەنشىلەس ۇيىمدارى جوق مەكەمەلەر شوعىرلاندىرىلماعان ەسەپتىلىكتى جاريالايدى. قارجىلىق ەسەپتىلىك بۇقارالىق اقپارات قۇرالدارىندا نەمەسە ۇيىمداردىڭ رەسمي سايتتارىندا جاريالانادى.
ال رەسمي سايتى جوق ميكروقارجى ۇيىمدارى ەسەپتىلىكتى سالالىق قاۋىمداستىقتاردىڭ سايتتارىندا جاريالاي الادى. سونداي-اق ەكىنشى دەڭگەيلى بانكتەر، ساقتاندىرۋ ۇيىمدارى جانە «قازاقستاننىڭ دامۋ بانكى» ا ق ءار توقسان سايىن ەسەپتى كەزەڭ اياقتالعاننان كەيىن 60 كۇنتىزبەلىك كۇن ىشىندە بۋحالتەرلىك بالانس پەن كىرىستەر مەن شىعىستار تۋرالى ەسەپتى جاريالاپ وتىرۋى ءتيىس.
قۇجاتتا بانك جانە ساقتاندىرۋ حولدينگتەرىنە، سونداي-اق شەتەلدىك قارجى ۇيىمدارىنىڭ فيليالدارىنا قاتىستى دا جەكە تالاپتار قاراستىرىلعان. اتاپ ايتقاندا، ەسەپتىلىكتى جاريالاۋ مەرزىمى مەن قازاق جانە ورىس تىلدەرىندە ۇسىنىلاتىن مىندەتتى قۇجاتتار ءتىزىمى ناقتىلاندى.
قاۋلى 2026 -جىلعى 17 -مامىردان باستاپ كۇشىنە ەنەدى.
بۇعان دەيىن قارجى نارىعىن رەتتەۋ جانە دامىتۋ اگەنتتىگى قارىز جۇكتەمەسىن جەڭىلدەتۋدىڭ زاڭدى جولدارى تۋرالى تۇسىنىكتەمە بەرگەن ەدى.