قازاقستانداعى Apple كومپانياسىنىڭ رەسمي سەرىكتەستەرى جاڭا سمارتفونداردىڭ قۇنىن جاريالادى.
جاڭا iPhone-نىڭ باعاسى ەڭ الدىمەن ونىڭ جادى كولەمىنە بايلانىستى. iPhone 18 Pro-نىڭ 256 GB نۇسقاسى 849990 تەڭگەدەن باستالادى.
مودەلدىڭ 512 GB نۇسقاسى - 993990 تەڭگە، 1TB - 1275990 تەڭگە، ال ەڭ جوعارى 2TB نۇسقاسى 1698990 تەڭگە تۇرادى.
ال iPhone 18 Pro Max ءۇشىن قازاقستاندىق ساتىپ الۋشىلار كوبىرەك قارجى تولەۋى كەرەك. ونىڭ 256 GB نۇسقاسى 909990 تەڭگە بولسا، 512GB - 1063990 تەڭگە، 1TB - 1345990 تەڭگە. ەڭ ۇلكەن جادى بار 2TB مودەلى 1769990 تەڭگەگە باعالانعان.
وسىلايشا، ۇسىنىلعان مودەلدەردىڭ ەڭ ارزان جانە ەڭ قىمبات نۇسقالارىنىڭ اراسىنداعى ايىرماشىلىق 920 مىڭ تەڭگەگە جەتەدى.
سمارتفوندار قاشان ساتىلىمعا شىعادى؟
iPhone 18 Pro جانە iPhone 18 Pro Max مودەلدەرىنە الدىن الا تاپسىرىس 18-قىركۇيەكتە ساعات 00:01 دە قابىلدانا باستادى. ال قۇرىلعىلاردىڭ رەسمي ساتىلىمى 25-قىركۇيەكتە باستالۋى جوسپارلانعان.
سمارتفوندار ءوندىرۋشىنىڭ رەسمي كەپىلدىگىمەن ساتىلادى. سونىمەن قاتار قۇرىلعىلاردىڭ IMEI- كودى مىندەتتى تۇردە ۆەريفيكاتسيادان وتەدى.
Apple كومپانياسىنىڭ iPhone Duo دەپ اتالاتىن مودەلى قازاقستان نارىعىنا كەيىنىرەك شىعارىلادى. ونىڭ ناقتى ساتىلىم كۇنى ازىرگە بەلگىسىز.
iPhone 18 Pro-داعى وزگەرىس
Apple جاڭا iPhone 18 Pro جانە iPhone 18 Pro Max مودەلدەرىن 9-قىركۇيەكتە تانىستىردى. جاڭا سمارتفونداردىڭ نەگىزگى كامەراسى 48 م پ سەنسورمەن جابدىقتالعان جانە اۋىسپالى ديافراگما جۇيەسىن العان.
سونىمەن قاتار قۇرىلعىلاردا جاڭا A20 Pro پروتسەسسورى مەن جاڭارتىلعان سالقىنداتۋ جۇيەسى قولدانىلعان. Siri دا جاساندى ينتەللەكت مۇمكىندىكتەرىمەن تولىقتىرىلعان.
ەكران ولشەمدەرى بۇرىنعىداي قالدى: iPhone 18 Pro - 6,3 ديۋيم، ال Pro Max - 6,9 ديۋيم. تاعى ءبىر جاڭالىق - 2 TB جادى نۇسقاسىنىڭ پايدا بولۋى. بۇعان دەيىن Pro سەرياسىنداعى سمارتفونداردا مۇنداي ۇلكەن ىشكى جاد ۇسىنىلماعان.
ا ق ش- تاعى باعاسى قانشا؟
ا ق ش نارىعىندا iPhone 18 Pro-نىڭ باستاپقى باعاسى 1199 دوللار، ال iPhone 18 Pro Max 1299 دوللار بولدى. پرەزەنتاتسيا كەزىندە بۇل شامامەن 544 مىڭ جانە 590 مىڭ تەڭگەگە تەڭ ەدى.
قازاقستانداعى باعانىڭ ايىرماشىلىعىنا سالىقتار، لوگيستيكا، نارىقتاعى باعا ساياساتى جانە قۇرىلعىنىڭ رەسمي تۇردە ساتىلۋى سياقتى فاكتورلار اسەر ەتەدى.