سكانديناۆيا ايماقتارىنان كەلگەن انتيتسيكلون قازاقستان اۋماعىنىڭ باسىم بولىگىندە اۋا تەمپەراتۋراسىنىڭ تومەندەۋىنە سەبەپ بولدى. سۋىق اۋا ماسسالارىمەن تولىعىپ وتىرعان بۇل انتيتسيكلون الداعى كۇندەرى دە ءوز ىقپالىن ساقتاپ، سولتۇستىك، شىعىس جانە ورتالىق وڭىرلەردە تۇنگى ۋاقىتتا اۋا تەمپەراتۋراسىنىڭ نولدەن تومەن بولۋىنا اسەر ەتەدى. انتيتسيكلون ەل اۋماعى ارقىلى جىلجىعان سايىن، 13-مامىر ءتۇنى وڭتۇستىك-شىعىس وڭىرلەردە دە ۇسىك ءجۇرۋى كۇتىلەدى، - دەپ جازىلعان حابارلامادا.
سونداي-اق، ت ج م دا اۋا رايىنا قاتىستى داۋىلدى ەسكەرتۋ جاريالادى.
پاۆلودار، قوستاناي، الماتى وبلىستارىندا جانە الماتى قالاسىندا جاڭبىر كۇتىلەدى. سولتۇستىك قازاقستان، باتىس قازاقستان، اباي جانە اقمولا وبلىستارىندا كەي ۋاقىتتاردا جاۋىن-شاشىن بولجانادى.
الماتى، جامبىل، جەتىسۋ، تۇركىستان جانە شىعىس قازاقستان وبلىستارىنىڭ تاۋلى اۋداندارىندا كەي جەرلەردە جاڭبىر ارالاس قار كۇتىلەدى.
پاۆلودار، سولتۇستىك قازاقستان، اقمولا، تۇركىستان، قىزىلوردا، ماڭعىستاۋ، اتىراۋ، الماتى جانە شىعىس قازاقستان وبلىستارىندا جەلدىڭ كۇشەيۋى كۇتىلەدى.
قوستاناي، قاراعاندى، جەتىسۋ، الماتى جانە جامبىل وبلىستارىندا كەي جەرلەردە تۇمان بولجانادى.
ەسكە سالايىق، بۇعان دەيىن سينوپتيكتەر مامىر ايىنداعى اۋا رايىن بولجادى.
سونداي-اق، ۇكىمەت وتىرىسىندا ەكولوگيا جانە تابيعي رەسۋرستار ءمينيسترى ەرلان نىسانبايەۆ قازاقستاندا جاز ىستىق بولاتىنىن ايتتى.