الايدا ماماندار بۇل جەڭىلدىك جەكە كۋالىكتى جوعالتىپ العاندا، بۇلدىرگەندە نەمەسە دەرەكتەردى وزگەرتكەندە قولدانىلمايتىنىن اتاپ ءوتتى.
مۇنداي جاعدايدا قولدانىستاعى ءتارتىپ ساقتالىپ، باج سالىعى تولەنەدى.
ال پاسپورتتى راسىمدەۋ جالپى جاعدايدا اقىلى بولعانىمەن، ءبىرقاتار ساناتتاعى ازامات بۇل تولەمنەن بوساتىلادى.
- قازاقستان ازاماتىنىڭ پاسپورتى جەكە كۋالىك سياقتى بارلىعىنا بىردەي تەگىن بەرىلمەيدى. پاسپورتتىڭ 24 بەتتىك نۇسقاسى 16 جاسقا دەيىنگى بالالارعا ارنالعان. بيىل ونىڭ قۇنى 4 ايلىق ەسەپتىك كورسەتكىش، 36 بەتتىك پاسپورت 8 ايلىق ەسەپتىك كورسەتكىش، ال 48 بەتتىك قۇجات 12 ايلىق ەسەپتىك كورسەتكىش بولىپ بەلگىلەنگەن.
سونىمەن بىرگە زاڭدا بەلگىلەنگەن جەڭىلدىككە يە ازاماتتار پاسپورت ءۇشىن مەملەكەتتىك باج تولەمەيدى. ولاردىڭ قاتارىندا كەڭەس وداعىنىڭ باتىرلارى، سوتسياليستىك ەڭبەك ەرلەرى، ءۇش دارەجەلى «داڭق» جانە «ەڭبەك داڭقى»، «التىن قىران»، «وتان» وردەندەرىنىڭ يەگەرلەرى، «حالىق قاھارمانى»، «قازاقستاننىڭ ەڭبەك ەرى» اتاعىن العاندار، سونداي-اق «باتىر انا» اتاعىنا يە جانە «التىن القا»، «كۇمىس القا» توسبەلگىلەرىمەن ماراپاتتالعان كوپبالالى انالار، ەكىنشى دۇنيەجۇزىلىك سوعىس ارداگەرلەرى جانە ولارعا تەڭەستىرىلگەن ادامدار بار. سونىمەن قاتار بۇل ساناتقا مۇگەدەكتىگى بار ادامدار، بالا كەزىنەن مۇگەدەكتىگى بار ادامنىڭ نەمەسە مۇگەدەكتىگى بار بالانىڭ اتا-اناسىنىڭ ءبىرى، قارتتار مەن مۇگەدەكتىگى بار ادامدارعا ارنالعان مەديتسينالىق-الەۋمەتتىك مەكەمەلەردە تۇراتىن ازاماتتار، مەملەكەتتىك بالالار ۇيلەرىندە جانە ينتەرناتتاردا تۇراتىن جەتىم، اتا-اناسىنىڭ قامقورلىعىنسىز قالعان بالالار، سونداي-اق چەرنوبىل اپاتىنان زارداپ شەككەن ازاماتتار جاتادى، - دەدى «ازاماتتارعا ارنالعان ۇكىمەت» م ك ك ە ا ق قىزىلوردا وبلىسى بويىنشا فيليالىنىڭ فرونت-وفيستەردى ۇيلەستىرۋ باسقارماسىنىڭ باسشىسى گۇلناز بادىراقوۆا.
قۇجاتتاردى راسىمدەۋ ءۇشىن ازاماتتار تۇرعىلىقتى جەرىنە قاراماستان ح ق و- عا جۇگىنە الادى. جالپى تارتىپپەن پاسپورت پەن جەكە كۋالىك 15 جۇمىس كۇنىنەن كەشىكتىرىلمەي دايىندالادى.
بۇعان دەيىن ءبىز جامبىل وبلىسىندا تۇماۋعا قارسى ەكپەنى كىمدەر تەگىن الاتىنىن جازعان ەدىك.