ونىڭ ايتۋىنشا، 2025-جىلى قىركۇيەكتە ەلىمىزدە ءبىرقاتار شەتەلدىك ج و و-لاردىڭ فيليالدارى اشىلدى.
- ولاردىڭ قاتارىندا Cardiff University، Coventry University، Woosong University، دەسساۋداعى انحالت جوعارى وقۋ ورنى جانە ماسكەۋ مەملەكەتتىك حالىقارالىق قاتىناستار ينستيتۋتىنىڭ (مگيمو) فيليالدارى بار. ال De Montfort, Coventry, Cardiff جانە Woosong ۋنيۆەرسيتەتتەرىنىڭ فيليالدارى دەربەس جۇمىس ىستەيتىن جوعارى وقۋ ورىندارى رەتىندە قۇرىلدى، - دەدى سپيكەر.
سونىمەن قوسا، ول قازاقستاندىق ج و و-لاردا لۋ بان اتىنداعى ءۇش شەبەرحانا جۇمىس ىستەيتىنىن اتاپ ءوتتى.
بۇدان بولەك، ول شەتەلدىك ۋنيۆەرسيتەتتەرمەن بىرلەسكەن ءبىلىم بەرۋ باعدارلامالارى كوبەيگەن سايىن ولاردىڭ ساپاسىنا ورتاق تالاپتار قاجەت ەكەنىن ەسكە سالدى.
- شەتەلدىك ۋنيۆەرسيتەتتەرمەن بىرلەسكەن ءبىلىم بەرۋ باعدارلامالارى كوبەيىپ كەلەدى. سوندىقتان ولاردىڭ ساپاسىنا قويىلاتىن ورتاق تالاپتاردى ايقىنداۋ قاجەت،-دەدى تالعات ەشەنقۇلوۆ.
ايتا كەتەيىك، بۇعان دەيىن قازاقستاندا ج و و-لاردى اككرەديتتەۋ تالاپتارى جاڭارتىلاتىنى حابارلاندى.