بىلتىر سۋ رەسۋرستارى جانە يرريگاتسيا مينيسترلىگىنىڭ سۋ شارۋاشىلىعى كوميتەتى گيدروتەحنيكالىق نىسانداردى سالۋ جانە رەكونسترۋكسيالاۋ بويىنشا ۇزاق ۋاقىت اياقتالماي قالعان جوبالاردى ىسكە اسىرۋدى اياقتاۋ الگوريتمىن ازىرلەدى.
بۇل الگوريتمگە سايكەس، 2010-2020 -جىلدارى باستالعان، الايدا اياقتالماعان 10 جوبا بويىنشا قۇرىلىس- مونتاج جۇمىستارى قايتا جاندانىپ، جالعاستىرىلىپ جاتىر. ولاردىڭ قاتارىندا قىزىلوردا جانە تۇركىستان وبلىستارىنداعى كانالداردى رەكونسترۋكتسيالاۋ جانە جاڭعىرتۋعا قاتىستى التى جوبا، سونداي-اق اقمولا وبلىسىنداعى پرەوبراجەنسكي گيدروتورابى مەن سىلەتى سۋ قويماسىن، اباي وبلىسىنداعى قۋساق وزەنىندەگى بوگەت گيدروتورابىن جانە الماتى وبلىسىنداعى سۇمبە وزەنىندەگى سۋ الۋ قۇرىلىسىن رەكونسترۋكسيالاۋ جوبالارى بار.
مينيسترلىكتىڭ دەرەگىنشە، قازىرگى ۋاقىتتا سۇمبە وزەنىندەگى سۋ الۋ نىسانىندا جانە تۇركىستان وبلىسىنداعى قىزىلقۇم ماگيسترالدىق كانالىندا قۇرىلىس- مونتاج جۇمىستارى قايتا باستالدى. تۇركىستان وبلىسىنداعى ك-26 جانە ك-28 كانالدارى بويىنشا كونكۋرس راسىمدەرى باستالدى. تاعى ءتورت جوبا «مەمساراپتاما» ر م ك- نىڭ قاراۋىندا. قالعان ەكى جوباعا تۇزەتۋ ەنگىزۋ جۇمىستارى جۇرگىزىلىپ جاتىر.
— سۋ رەسۋرستارى جانە يرريگاتسيا مينيسترلىگى قۇرىلعاننان بەرى سۋ شارۋاشىلىعى نىساندارىن سالۋ جانە رەكونسترۋكسيالاۋ بويىنشا ۇزاق ۋاقىت اياقتالماي قالعان جوبالاردىڭ سانى ەكى ەسەگە جۋىق قىسقاردى. ەگەر 2020-2022 -جىلدارى سۋ شارۋاشىلىعى كوميتەتىنىڭ تەڭگەرىمىندە وسىنداي 19 جوبا بولسا، بۇگىندە ولاردىڭ سانى 10 عا دەيىن ازايدى. قالعان جوبالاردى الداعى ەكى جىل ىشىندە اياقتاپ، پايدالانۋعا بەرۋ جوسپارلانىپ وتىر، - دەدى سۋ رەسۋرستارى جانە يرريگاتسيا مينيسترلىگى سۋ شارۋاشىلىعى كوميتەتى ءتوراعاسىنىڭ مىندەتىن اتقارۋشى نۇربەك سەرىكوۆ.